Uyghur aptonom rayonidiki türmilerde mehbuslarning 64% din köprekini az sanliq milletler igiligen


2006.11.17

Xitay edliye da'iriliri Uyghur aptonom rayonidiki pütün türmilerde mehbuslarning 64 % tin köprekini az sanliq milletler teshkil qilidighanliqini élan qildi.

Xitay shinxu'a torining xewer qilishiche, Uyghur aptonom rayoni türme bashqurush idarisining mes'uli wang eygo, " Uyghur aptonom rayonidiki pütün türmilerde az sanliq millet jinayetchilirining igiligen nisbiti pütün jinayetchiler omumi nisbitining 64 % din köprekini teshkil qilidu " dep tekitligen. Lékin u, buning ichide Uyghurlarning qanchilik nisbetni igileydighanliqini shundaqla 64 % din köprek atalmish jinayetchiler ichide siyasiy mehbuslarning qanchilik sanni teshkil qilidighanliqini tilgha almighan.

Közetküchilerning eskertishiche, jama'et xewpsizlik we dölet bixeterlik organliri teripidin tutup turuluwatqan mehbuslar wang eygo ashkarilighan bu sanning ichige kirmesliki mümkin. Türme bashqurush idarisining bashliqi bu yerde höküm élan qilinip ijra qiliniwatqan mehbuslarni közde tutqan. Lékin xitay jinayi ishlar qanunida j x we dölet bixeterlik organlirining kishilerni sot mehkimisining hökümisiz uzun muddet tutup turush yaki emgek bilen özgertish lagirlirigha ewetish hoquqi bar. Xitayning bu edliye séstimisi kishilik hoquq teshkilatlirining tenqidige uchrimaqta. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.