Turpan shehiri qum-boran api'ining hujumigha uchridi


2006.04.10
Share on WhatsApp
Share on WhatsApp

10‏- April küni etigen turpan shehiri küchlük qum-boran apitining hujumigha uchrap, topa-tozang kün nurini tosiwaldi. Shundaqla kochilarda körüsh éniqliq derijisi nahayiti töwen bolup, nurghun dukanlar taqilishqa mejbur boldi. Bu turpandiki 22 yildin buyanqi eng éghir bir qétimliq qum-boran apiti hésablinidu.

Tengritagh xewer torining melum qilishiche, bu qum-boran apiti gherbiy sibiriyidiki soghaq éqimning jenubqa sürülüshi sewebidin kélip chiqqan iken. Bu soghaq éqim tüpeyli turpan rayoni etrapida deslep küchlük shamal chiqqan bolup, turpandin qumulghiche bolghan rayonlardiki shamalning küchi hetta her minutigha 52 métir tézlikke yetken.

Turpan wilayetlik hawa rayi idarisining xadimi erkin kérem hazir turpan shehiride körüsh éniqliq derijisining aran 20‏-30 métir kélidighanliqini bildürdi. Uning éytishiche, bu qum-boran apiti 11‏- april künidin bashlap ajizlashqa bashlaydiken.

Sibiriyidin kirgen soghaq éqim bu yerde qum- boran apitini keltürüp chiqiripla qalmay, Uyghur élining shimaliy qisimlirida keng da'iride hawa kélimatining töwenlep kétishini peyda qildi. Shundaqla bu, u jaylarning charwichiliq ishlirigha qiyinchiliq tughdurmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.