Turpanda Uyghur tijaretchiler namayish qildi


2007-11-01
Share

Turpan shehiridiki tereqqiyat soda binasida dukan achidighan Uyghur tijaretchiler peyshenbe küni soda binasining aldigha yighilip, hökümet da'iriliridin 3 ‏- öktebir ot apitide uchrighan ziyanni tölep bérish we yéngi dukan bérishni telep qilip naraziliq yighilishi ötküzdi. Yighilishqa qanchilik ademning qatnashqanliqi éniq bolmisimu, lékin toluqsiz melumatlarda namayishchilarning 800 din töwen emesliki perez qilinmaqta.

Turpan shehiridiki tereqqiyat soda baziri mezkur sheherde Uyghurlar merkezlik soda qilidighan bazarlarning biri bolup, bu yil 10 ‏- ayning 3 ‏- küni mezkur bazargha ot kétip, bazardiki köp qisim dukanlar köyüp ketken hemde bir Uyghur bala ölgen idi. Ot apitidin kéyin da'iriler tijaretchilerge bashqa jaydin dukan körsitip bérish we bir qisim ziyanni tölep bérishke maqul bolghan bolsimu ,lékin tijaretchiler hazirghiche yéngi dukan alalmighandin kéyin, peyshenbe küni soda baziri aldida yighilish ötküzgen. Lékin yighilish uzun ötmey da'iriler teripidin tarqitiwétilgen.

Xitay asasiy qanunida puqralarning yighilish ötküzüsh erkinliki bar, dep belgilen'gen bolsimu, lékin xitay hökümiti puqralarning yighilish ötküzüshige bolupmu Uyghur puqralirining yighilish ötküzüshige alahide sezgür mu'amile qilidighan bolup, bu türdiki her qandaq naraziliq heriketlirini qattiq qolluq bilen bir terep qilmaqta.

Xelq'ara kishilik hoquq teshkilatliri bolsa xitayni adettiki Uyghur siyasiy öktichi we tinch musteqilchiler bilen zorawan wastilarni qollan'ghuchi kishilerni bir ‏- biridin perqlendürmey keldi, dep eyibligen idi.

Namayishchilarning bildürüshiche, peyshenbe künidiki yighilishta az dégende ikki Uyghur da'iriler teripidin qolgha élin'ghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet