تۇرپاندا پوجاڭزا پارتلاش ۋەقەسى يۈز بېرىپ 25 ئادەم قازا قىلدى


2008-03-27
Share

خىتاي ئاخبارات ۋاستىلىرى پەيشەنبە كۈنى، تۇرپان ۋىلايىتى پارتكوم مۇئاۋىن سېكرىتارىنىڭ سۆزىنى نەقىل كەلتۈرۈپ، شۇ كۈنى تۇرپاندا پوجاڭزا پارتلاش ۋەقەسى يۈز بېرىپ، 25 ئادەمنىڭ قازا قىلغانلىقىنى 5 ئادەمنىڭ ئىز - دېرىكىنىڭ يوقلۇقىنى بىلدۈردى.

خەۋەردە ئېيتىلىشىچە، تۇرپان شەھىرى چىچاڭخۇ كەنتى ئەتراپىدىكى قاقاسلىقتا، بىر تەرەپ قىلىش ئۈچۈن توپلانغان پوجاڭزا دۆۋىسىنى پارتلىتىپ يوق قىلىش ئۈچۈن تەييارلىق كۆرۈۋاتقاندا، تۇيۇقسىز پارتلاش يۈز بېرىپ نەق مەيداندا 22 ئادەم ئۆلگەن. 10 ئادەم نۆۋەتتە دوختۇرخانىدا جىددىي قۇتقۇزۇش ئۈستىدە ئىكەن.

پارتلاشتا ئۆلگەنلەردىن سىرت، يەنە 5 ئادەم ئىز - دېرەكسىز يوقاپ كەتكەن بولۇپ، خەۋەردىن مەلۇم بولۇشىچە، مۇتەخەسسىسلەردىن تەشكىللەنگەن داۋالاش گۇرۇپپىسى يارىلانغانلارنى قۇتقۇزۇشقا كىرىشكەن، ساقچى دائىرىلىرى پارتلاش يۈز بەرگەن مەيداندا DNA تېخنىكىلىق تەكشۈرۈش ئېلىپ بېرىپ ئۆلگۈچىلەرنىڭ سالاھىيىتىنى ئېنىقلاش ئىشلىرىنى ئېلىپ بارماقتا ئىكەن.

بۇ قېتىمقى پارتلاشنىڭ سەۋەبىنى ئېنىقلاش ئۈچۈن، يەنە دۆلەت بىخەتەرلىكىنى نازارەت قىلىش مىنىستىرلىقىنىڭ خادىملىرى تۇرپانغا قاراپ يولغا چىققان.

خىتاي خەۋەر ۋاستىلىرىدا پارتلاش ۋەقەسىنىڭ ئېنىق سەۋەبلىرى ئېيتىلمىغان بولۇپ، چەتئەللەردىكى ئۇيغۇر سىياسىي كۆزەتكۈچىلىرى بۇ قېتىمقى پارتلاشنى يېقىندىن كۆزىتىۋاتقانلىقىنى بىلدۈرمەكتە. (ئۆمەر قانات)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت