Rabiye qadir soda sariyidiki ikki neper xadim tutqun qilindi


2005-05-11
Share

Rabiye qadir soda sariyidiki "eqide hessidarliq soda shirkiti" ning dériktori ayshemgül bilen shirket bash katipi rozi memet seyshenbe küni xitayning bixeterlik xadimliri teripidin tutqun qilin'ghan.

Istansimiz muxbirining munasiwetlik orunlardin igilishiche, 34 yashliq ayshemgül shu küni chüshtin kéyin sa'et birlerde bixeterlik xadimliri teripidin sewebsizla tutup kétilgen. Shirket bash katipi rozi memet bolsa, ayshemgül tutup kétilgendin kéyin, jama'et xewpsizlik idarilirigha bérip, uning iz-dérikini sürüshte qilghan. Netijide bir nechche sa'et ötkendin kéyin, bixeterlik xadimliridin ikki neper xitay we bir Uyghur kishi rabiye soda sariyigha kélip, rozi memetnimu tutup ketken.

Bu xewer, amérikida yashawatqan ataghliq kishilik hoquq pa'aliyetchisi rabiye qadir xanim we uning hemriyi sidiq haji rozi ependining küchlük naraziliqini qozghidi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.