Xitay da'iriliri ürümchide bir ay ichide minggha yéqin kishini qolgha aldi


2005-06-10
Share

Ürümchidiki xitay metbu'atlirining xewer qilishiche, ürümchi sheherlik j x idarisi bu yil 5 - ay ichide ürümchi boyiche 955 kishining her xil jinayi qilmishlar bilen qolgha élin'ghanliqini ashkarilidi.

Xitay metbu'atliri qolgha élin'ghanlar ichidiki 27 dilo zeherlik chékimlik sétish, bulangchiliq qilish we aldamchiliq jinayetliri bilen munasiwetlik, dep körsetken, emma qalghan dilolarning xaraktirini tilgha almidi. Ürümchi sheherlik j x idarisi bu uchurni aldinqi künki ürümchi shehirining 5 - ay ichidiki dilo pash qilish ehwalini tonushturush boyiche chaqirilghan axbarat élan qilish yighinida ashkarilighan.

Uyghur aptonom rayonluq j x nazariti, yéqinda Uyghur aptonom rayoni qurulghanliqining 50 yilliqi munasiwiti bilen aptonom rayon boyiche "qattiq zerbe bérish herikiti" qozghaydighanliqini jakarlap, zerbe bérish herikitining nishani atalmish milliy bölgünchiler, térrorchilar we diniy radikar küchlerge qaritilidighanliqini élan qilghan idi.

Xelq'ara kishilik hoquq organliri "qattiq zerbe bérish herikiti" ni Uyghurlarning kishilik hoquqini depsende qilishning bir türi, dep eyiblimekte.

Ürümchi j x da'irilirining ashkarilishiche, mezkur organ 5 - ayda atalmish 3161 jinayi ishlar dilosi turghuzghan bolup, 5 - aydiki dilo pash qilish sani 4 - aygha qarighanda 35 ٪ ashqan.

Kishilik hoquq teshkilatliri xitay j x da'irilirini mehbuslargha ten jaza bérip, mejburi iqrar qildurush bilen eyiblimekte idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.