Xitay hökümiti, aminixanni 37 oqughuchisi bilen qolgha alghanliqini étirap qildi


2005-08-15
Share

Xitay da'iriliri shayar nahiyide balilargha diniy terbiye bergenliki üchün 56 yashliq aminixan we uning 37 oqughuchisini tutqun qilghanliqini étrap qildi. Xewerlerge qarighanda, oqughuchilarning eng kichiki 7 yash, eng chongi 20 yashta iken.

14 - Awghust küni, dunya Uyghur qurultiyining bayanatchisi dilshat réshit, xitay da'irilirining 1 - awghust küni shayar nahiyiside 56 yashliq aminixanni, yézidikilerning telipige bina'en yazliq tetil waqtidin paydilinip 37 neper yash ösmürni öz a'ilisige yéghip, diniy sawat bergenliki üchün oqughuchiliri bilen birlikte tutup ketkelikini bildrürgen idi. Uning éytishiche, xitay saqchiliri aminixanning öyidiki 23 parche qurghan, 56 dini sawat kitabi hemde se'idiye xanliqigha da'ir tarixi kitablarni musadire qilghan.

Fransiye agéntliqining 15 - awghust küni béyjingdin xewer qilishiche, xitay saqchi da'iriliri aminixan we oqughuchilirining tutulghanliqini étrap qilghan. Emma ularning néme üchün tutqun qilin'ghanliqi heqqide melumat bérishni ret qilghan.

Xewerde éytilishiche, aminixan bilen birlikte tutup kétilgen bezi balilarning ata-aniliri 7000 din 10000 yüwen'giche jerimane tölesh arqiliq balilirini qutulturiwalghan. Bu ata-anilar jerimane pulini tépish üchün qoy we kalilirini satqan.

Xelq'ara kishilik hoquq teshkilatliri dölet kontrolluqi sirtidiki pütün diniy pa'aliyetlerni chekligen xitay hökümitining, térrorizmgha qarshi turush nami astida Uyghurlarning diniy erkinlikini boghiwatqanliqini bildürmekte.

Xelq'ara kishilik hoquqni közütüsh teshkilati we xitayda kishilik hoquq teshkilati bu yilning bashlirida xitay hökümitining Uyghurlargha qaratqan siyasiti heqqide doklat élan qilip, xitay hökümitining Uyghurlarni diniy we medeniy hoquqidin mehrum qaldurup, ularning kishilik hoquqni depsende qiliwatqanliqini tekitligen.

Xitayda kishilik hoquq teshkilatining mudiri, sharun hom xitay hökümitining Uyghurlarni xitay döliti üchün bir milliy tehdid dep qaraydighanliqini bildürmekte. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet