Qaramayda bir Uyghur ziyaliysi qolgha élindi


2006.04.25
Share on WhatsApp
Share on WhatsApp

Qaramayda chiqidighan "maybulaq " zhornilining sabiq tehriri abduréshit niyaz bu yilning bashliri qaramay sheherlik dölet bixeterlik idarisi teripidin xitaygha qarshi jama'et pikiri peyda qildi, digen gunah bilen qolgha élin'ghan. U, ilgiri qaramay ma'arip inistutida oqutquchi bolghan we 1989 - yildin kéyin qaramayda chiqidighan " maybulaq" zhorniligha yötkilip, shu yerde tehrirlik xizmiti bilen shughullan'ghan idi.

Ismini ashkarilashni xalimaydighan xewer menbelirining eskertishiche, u 2000 - yili yazghuchilar arisida pantürkizim idiyisini tarqatti, digen guman bilen xizmitidin boshutulghan we chet'elge oqushqa chiqmaqchi bolghanda pasporti tartiwélin'ghan. Weqedin xewerdar kishiler abdurishit niyazning bu yilning bashliri qolgha élin'ghanliqini we hazirghiche süreksiz türmide tutup turuluwatqanliqini bildürmekte.

Xitay hökümiti 2000 - yili 1 - ayning 1 - küni merhum muzikant nurmuhemmet tursunning sen'et kéchilikidin kéyin, Uyghur aptonom rayoni boyiche idé'ologiye saheside "bölgünchiler" ge qarshi turush herikitini qozghighan we oxshimighan köz qarashtiki yazghuchi we sen'etchiler basturulghan idi. Nurmuhemmet yasin " yawa kepter"namliq hikayisi sewebidin 10 yilliq qamaq jazasigha höküm qilindi. Abduréshit niyaz 1986 - yili ili pidagogika inistitutini püttürgen. Qaramay sheherlik jama'et xewpsizlik da'iriliri abdurishit niyaz toghrisida melumat bérishni ret qildi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet