Америка уйғур бирликиниң рәиси нури түркәл колумбийә университитида сөз қилди


2004-11-19
Share

Шәрқий явропа, русийә вә явро- асия дөләтлик матирял мәнбәәләр мәркизи, харриман иниститути қатарлиқ органларниң уюштуруши билән җүмә күни амерка колумбийә университитида, "оттура асиядики сияси вә аммиви өктичилик" дигән темидики муһакимә йиғини өткүзүлди.

Йиғинда амирика уйғур җәмийитиниң рәиси нури түркәл сөз қилип, хитай һөкүмити хәлқара әһдинамиларда үстигә алған, мәдиний ядикарлиқларни қоғдаш тоғрисидики мәҗбурийитини, шәрқий түркистанда ада қилмиди, дәп көрсәтти. У, хитай б д т мәдиний ядикарлиқларни асраш келишимигә қол қойған дөләт болсиму бирақ, униң уйғурларниң мәдиний ядикарлиқлириға бузғунчилиқ қиливатқанлиқини илгири сүрди.

Нури түркәл, "хитай һөкүмити қәшқәрдә һейткар мәсчитиниң әтрапидики нәччә йүз йиллиқ ой - имарәт вә дуканларни чиқивәтти," дәп көрсәтти. У, хитайниң өзи имза қойған хәлқара мусапирлар әһдинамисиға хилаплиқ қиливатқанлиқини әскәртип, "хитай һөкүмити б д т мусапирлар ишханиси паналиқ һоқуқини тонуған хошна дөләтләрдики уйғур мусапирларни қайтурувелиш үчүн бу дөләтләргә бесим ишлитиватиду" дәп көрсәтти.

Бу қетимқи йиғин пәйшәнбә вә җүмә күнлири болуп икки күн давам қилди. Йиғинда шәрқий түркистан тәтқиқат җәмийитиниң рәиси ғуламидин пахтини өз ичигә алған оттура асия вә америкидики сияси паалийәтчиләр вә тәтқиқатчилар сөз қилди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт