Amérika Uyghur birleshmisi, xitay hökümitining güzelnur turdi toghrisidiki bayanatigha inkas qayturdi


2008.03.29

Uyghur amérika birleshmisi, shenbe küni bayanat élan qilip, xitay da'irilirining 19 - yashliq Uyghur qizi güzelnur turdi ning mushu ay ichide xitay yolochi ayropilanni partilitishqa urun'ghanliqini étirap qilghanliqi toghrisidiki xewirige inkas qayturdi.

Bayanatida, her türlük zorawanliq heriketlirini eyibleydighanliqini tekitligen amérika Uyghur birleshmisi, xelq'ara jama'etni xitayning térrorluq heriketliri toghrisidiki bayanatlirigha éhtiyatchanliq bilen mu'amile qilishqa chaqirghan. Bayanatta yene mundaq déyilgen. "Xitay hökümiti, xelq'ara térrorchiliqqa qarshi urushtin, sherqiy türkistandiki Uyghur xelqige qaratqan yoqutush siyasitini heqliq körsitish üchün paydilanmaqta."

Bayanatida,xitay türmiliridiki Uyghur siyasiy mehbuslarning dawamliq qattiq qéyn - qistaqlargha uchrawatqanliqini tekitligen amérika Uyghur birleshmisi, "xitay saqchilirining Uyghur siyasiy mehbuslarni iqrar qildurush üchün wehshi qiynash usullirini ishlitiwatqanliqi hemmige melum bir heqiqet" dep körsetken hemde güzelnur turdining xelq'ara qanun-qa'idilerge muwapiq halda sotlinishi, türmide qyin - qistaqlargha uchrimasliqi, ochuq sotlinishi we adwokat tutushigha ruxset bérilishi üchün, xelq'ara jama'etni xitay hökümitige bésim ishlitishke chaqirghan. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.