ئۈرۈمچىدە بۇ يىل كىرگەندىن بۇيان 300 نەپەر ئادەم "3 خىل كۈچ" جىنايىتى بىلەن قولغا ئېلىنغان
2007.09.24
23- سېنتەبىر ئۈرۈمچى شەھىرىدە "بىخەتەر ئىشلەپچىقىرىش يىغىنى" ئېچىلىپ، ئۈرۈمچىنىڭ ئامانلىق ۋە مۇقىملىقىنى ساقلاش ئەھۋالى تونۇشتۇرۇلغان بولۇپ، تەڭرىتاغ تورىدا بۇ ھەقتە بېرىلگەن خەۋەردىن مەلۇم بولۇشىچە، بۇ يىل كىرگەندىن بۇيان ئۈرۈمچى شەھەرلىك ج خ ئىدارىسى "3 خىل كۈچ" ۋە "فالۇنگۇڭ" مۇرىتلىرى بولۇپ 300 گە يېقىن ئادەمنى قولغا ئالغان.
خەۋەردە مۇنداق دېيىلگەن: "بۇ يىل كىرگەندىن بۇيان ئۈرۈمچى شەھەرلىك جامائەت خەۋپسىزلىك ئىدارىسى 'ئۈچ خىل كۈچلەر' ۋە 'فالۇنگۇڭ' قاتارلىق بىدئەت دىنىي تەشكىلاتلارنىڭ ھەرخىل بۆلگۈنچىلىك ۋە بۇزغۇنچىلىق ھەرىكەتلىرىگە قاتتىق زەربە بېرىپ، '3 خىل كۈچ' ئۇنسۇرلىرىدىن 300 نەپەرگە يېقىننى قولغا چۈشۈردى."
ئۇنىڭدىن باشقا مەزكۇر خەۋەردە، ئۈرۈمچى ج خ تارماقلىرىنىڭ يەنە يەر ئاستى دىنىي مەكتەپتىن 35 نى، دىنىي تەلىم بەرگەن قارىمدىن 106 نەپەرنى قولغا چۈشۈرگەنلىكى ۋە 167 نەپەر دىنىي تەلىم ئېلىۋاتقان ئۆسمۈرنى "ئازات" قىلغانلىقى ئاشكارىلانغان.
بىر ھەپتە ئىلگىرى ئامېرىكا ھۆكۈمىتى ئېلان قىلغان "خەلقئارا دىنىي ئېتىقاد ئەركىنلىكى دوكلاتى" نىڭ خىتايغا قارىتىلغان قىسمىغا قارشى، خىتاي تاشقى ئىشلار مىنىستىرلىقى نارازىلىق بىلدۈرۈپ، ئامېرىكىنىڭ بۇ دوكلاتىنى "ئاساسسىز" دەپ ئاتىغان ۋە خىتاي باياناتچىسى جياڭ يۈ، خىتايدا پۇقرالارنىڭ "كەڭ دىنىي ئېتىقاد ئەركىنلىكىدىن بەھرىمەن" بولۇپ كېلىۋاتقانلىقىنى ئوتتۇرىغا قويغان ئىدى.
ھالبۇكى، بۇ يىل كىرگەندىن بۇيان ئۈرۈمچى شەھىرىدە دىنى تەلىم بەرگەن نۇرغۇن قارىملار قولغا ئېلىنغان ۋە دىنى تەلىم ئېلىۋاتقان ئۆسمۈرلەرنىڭ تارقىتىۋىتىلگەنلىكى ھەققىدىكى مەلۇماتلار، خىتاي تاشقى ئىشلار مىنىستىرلىقىنىڭ نارازىلىق باياناتىغا قارا كۆلەڭگە تاشلاپ تۇرماقتا. (جۈمە)
مۇناسىۋەتلىك ماقالىلار
- خىتاي دۆلەت كابىنتى "شىنجاڭ مەسىلىسى" توغرىسىدا مەخسۇس يىغىن چاقىردى
- ۋاڭ لېچۇەن تەيۋەندىكى گومىنداڭنىڭ پەخرى رەئىسى ليەنجەن بىلەن ھەمكارلىشىش ھەققىدە سۆھبەت ئۆتكۈزدى
- ئۈرۈمچىدە 18 كىشى دۆلەت بىخەتەرلىكىگە زىيان يەتكۈزۈش جىنايىتى بىلەن قولغا ئېلىنغان
- ئۇيغۇر ئېلىدە ئىككى چوشقا بازىسى قۇرۇلماقچى
- ۋاڭ لېچۇەن "ئامېرىكا باشلىق دۈشمەن كۈچلەر ئۇيغۇر ئېلىنىڭ مۇقىملىقىغا تەھدىت سالماقتا"دەپ كۆرسەتتى
- خىتاي جامائەت خەۋىپسىزلىك مىنىستىرلىقى يېڭى بىر قاتتىق زەربە بېرىش ھەرىكىتى باشلىماقچى
- كىم كىمنىڭ دۈشمىنى؟ (2)
- خىتاي يەرلىك ھۆكۈمەتلەرنى ھوشيارلىقنى ئۆستۈرۈپ مۇقىملىقنى قوغداشقا چاقىردى
- ۋاڭ لېچۇەن" شىنجاڭدا تېررورچىلىققا قاتتىق زەربە كېرەك" دەپ قايتا تەكىتلىدى
- خىتاي دائىرىلىرى ئۈرۈمچىدە "قاتتىق زەربە بېرىش" ھەرىكىتىنىڭ دائىرىسىنى ئىنتېرنېتكە كېڭەيتتى
- خىتاي ھۆكۈمىتى قاغىلىق ناھىيىسىدە سىرت بىلەن ئالاقىسى پۈتۈنلەي ئۈزۈلگەن ھەربىي تۈزۈمدە ئىدارە قىلىنىدىغان ئامانلىقنى ساقلاش ئەترىتى قۇرغان
- خىتاي قانۇن تارماقلىرى ئۇيغۇرلارنى باستۇرۇشنى قانۇنلاشتۇرماقتا
- ئىسمائىل تىلىۋالدى"3 خىل كۈچكە زەربە بېرىش " سىياسىتىنى يەنە بىر قېتىم ئوتتۇرىغا قويدى