Хитай билән пакистан " 3 хил күчләр" гә ортақ зәбә беришкә келишти


2006.02.22
Share on WhatsApp
Share on WhatsApp

Пакистан прездиенти пәрвәз мушәррәф хитайдики зиярити мәзгилидә, икки дөләт бихәтәрлик саһәлиридики алақә вә һәмкарлиқ келишимлирини имзалап, "3 хил күчләр" гә ортақ зәрбә беришкә келишти.

Икки тәрәп имзалиған 13 хил келишимдә, уларниң бөлгүнчилик, террорчилиқ вә диний әсәбийликкә бирликтә қарши туридиғанлиқи шундақла бихәтәрлик саһәсидики һәмкарлиқни техиму күчәйтидиғанлиқи көрситилгән.

Пакистан вә хитай даирилири йәнә, икки тәрәпниң бирләшкән дөләтләр тәшкилатидики ислаһат, террочилиққа қарши уруш вә районлуқ һәмкарлиқ қатарлиқлардиму өз-ара мас қәдәмдә меңишқа тиришидиғанлиқини билдүргән.

Пакистан президенти пәрвәз мушәррәф йәнә, пакистанниң гвадар портидин уйғур елигә тутишидиған нефит турубиси ясашни халайдиғанлиқини билдүргән. Шундақ болғанда иран вә африқидин келидиған хам нефит гвадар порти арқилиқ уйғур елигә тошулидикән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.