Uyghur élide bir milyondin artuq kishi téléwizor körelmeydu

Uyghur élide bir milyon besh yüz mingdin artuq namrat yéza ahalisi hazirgha qeder téléwizor körelmeydiken hemde radi'o angliyalmaydiken.

Düshenbe küni ürümchide échilghan Uyghur aptonum rayonluq radi'o - téléwiziye xizmet yighinidin ashkarilinishiche, yil boyi téléwizor körüshke we yaki radi'o anglashqa qurbi yetmeydighan ahaliler Uyghur aptonum rayoni nopusining %8 ini igileydiken. Ular asasliqi Uyghur élining jenubidiki namrat yézilarda yashaydiken.

Yighindin melum bolushiche, Uyghur aptonum rayonluq hökümet bu yil qeshqer we qizilsudiki bir qisim namrat déhqanlarning téléwizor körelmeslik mesilisini hel qilidighanliqini bildürgen.

Xitay hökümiti "gherbni échish siyasiti" ni yolgha qoyghandin buyan, Uyghur éli iqtisadining téz ashqanliqini bildürmekte. Biraq, chet'eldiki bir qisim analizchilar, Uyghur élidiki iqtisadiy tereqqiyattin yerlik Uyghurlarning köp menpe'etlinelmeywatqanliqini körsetmekte.

Ilgiri xoten we aqsuning qismen yéziliridin radi'omizning ziyaritini qubul qilghan bir qisim Uyghurlar, özlirining téléwizor körüsh emes, belki tok ishlitishkimu qurbi yetmigenliktin, yenila jin chiraqlarni ishlitiwatqanliqini bildürgen idi. (Arzu)