Улуғчат наһийисидә бир көмүр кан қудуқида партлаш йүз бәрди


2007-12-16
Share

16- Декабир күни қизил су қирғиз аптоном областиға тәвә улуғчат наһийисидики бир көмүр кан қудуқи партлап кетип, төт ишчи өлгән, икки нәпири яриланған.

Шинхуа хәвәр ториниң бу һәқтә тарқатқан учуридин қариғанда, мәзкур көмүр кан вәқәси улуғчат наһийиси, улуғчат йезиси тәвәликидә йәни наһийә мәркизидин 123 километир нерида йүз бәргән болуп, әйни вақитта кан астида үч нәпәр ишчи ишләватқан икән.

Һазир, қизил су даирилири вәқәниң сәвәблирини тәкшүрүш вә өлгүчиләрниң ахирәтлик ишлирини бир тәрәп қилиш хизмәтлирини җиддий елип бармақта икән. Бирақ, улуғчат қирғиз вә уйғурларни асас қилған наһийә болсиму, әмма, хитай ахбарат васитилири қазаға учриғучиларниң миллий кимлики шуниңдәк мәзкур канниң һөкүмәт билән болған мунасивити һәмдә қазаға учриғучиларға төләм төләш мәсилиси қатарлиқлар һәққидә һеч немә язмиған.

Хәвәрләрдин қариғанда, һазир уйғур елиниң көплигән көмүр канлири ичкиридин чиққан хитай хоҗайинлириниң қолиға өткән. Униңдин башқа йәнә хитай пулдар хоҗайинлар уйғур елидики көмүр записи мол җайларда халиғанчә кан ачмақта. Улар пул тепишнила көзләп, кан ишчилириниң бихәтәрликигә көңүл бөлмигән, нәтиҗидә нурғунлиған бихәтәрлик өлчимигә тошмиған чоң кичик канлар пәйда болған вә һадисиләр давамлиқ йүз берип турған. ( Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт