Ulughchat nahiyiside bir kömür kan quduqida partlash yüz berdi


2007-12-16
Share

16- Dékabir küni qizil su qirghiz aptonom oblastigha tewe ulughchat nahiyisidiki bir kömür kan quduqi partlap kétip, töt ishchi ölgen, ikki nepiri yarilan'ghan.

Shinxu'a xewer torining bu heqte tarqatqan uchuridin qarighanda, mezkur kömür kan weqesi ulughchat nahiyisi, ulughchat yézisi tewelikide yeni nahiye merkizidin 123 kilométir nérida yüz bergen bolup, eyni waqitta kan astida üch neper ishchi ishlewatqan iken.

Hazir, qizil su da'iriliri weqening seweblirini tekshürüsh we ölgüchilerning axiretlik ishlirini bir terep qilish xizmetlirini jiddiy élip barmaqta iken. Biraq, ulughchat qirghiz we Uyghurlarni asas qilghan nahiye bolsimu, emma, xitay axbarat wasitiliri qazagha uchrighuchilarning milliy kimliki shuningdek mezkur kanning hökümet bilen bolghan munasiwiti hemde qazagha uchrighuchilargha tölem tölesh mesilisi qatarliqlar heqqide héch néme yazmighan.

Xewerlerdin qarighanda, hazir Uyghur élining köpligen kömür kanliri ichkiridin chiqqan xitay xojayinlirining qoligha ötken. Uningdin bashqa yene xitay puldar xojayinlar Uyghur élidiki kömür zapisi mol jaylarda xalighanche kan achmaqta. Ular pul tépishnila közlep, kan ishchilirining bixeterlikige köngül bölmigen, netijide nurghunlighan bixeterlik ölchimige toshmighan chong kichik kanlar peyda bolghan we hadisiler dawamliq yüz bérip turghan. ( Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet