Ürümchide 18 kishi dölet bixeterlikige ziyan yetküzüsh jinayiti bilen qolgha élin'ghan


2007-08-09
Share

Xitay axbarat wastiliri peyshenbe küni, ürümchi sheherlik teptish mehkimisi döletning bixeterlikige ziyan yetküzüsh jinayitige a'it 10 déloni testiqlap, 18 ademni tutushqa buyrighanliqini élan qildi.

Xewerdin melum bolushiche, ürümchi sheherlik teptish mehkimisi, ötken yérim yilda 3430 dilogha a'it 4909 kishini tekshürüp qolgha élishqa buyrighan , bularning ichide 10 délodiki 18 kishi döletning bixeterlikige dexli yetküzüsh jinayiti ötküzgen . Bashqa yene , parixorluq déloliridin 52 si pash qilin'ghan.

Uyghur élide döletning bixeterlikige ziyan yetküzüsh jinayiti bilen qolgha élin'ghanlarning köpinchisi, Uyghur siyasiy öktichiliri bolup, dunya Uyghur qurultiyining bayanatchisi dilshat rishitning éytishiche, xitay hökümiti hazirgha qeder Uyghur siyasiy mehbuslirini eng köp jazalighandin sirt, ularni ölüm jazasigha höküm qilip ijra qilmaqta .

Bu heqte élan qilin'ghan xewerde, dölet bixeterlikige ziyan yetküzgen 18 kishining kimliki heqqide héchqandaq uchur bérilmigen. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet