Үрүмчидә җиддий өпкә яллуғини кәлтүрүп чиқиридиған легонилла вируси байқалған


2007-09-12
Share

Хитайниң 'шинҗаң хәвәр тори'да 9 ‏- айниң 11 ‏- күни баян қилишичә, үрүмчидики кесәллик әһвалини контрол қилиш мәркизи 10 ‏- сентәбир күни, үрүмчидә үч орунда җиддий өпкә яллуғини кәлтүрүп чиқиридиған легонилла вируси байқалғанлиқи һәққидә җиддий кесәллик агаһландуруши чиқарған.

Хәвәрдә баян қилинишичә, үрүмчидә байқалған легонилла вируси пәйда қилидиған өпкә яллуғиниң кесәллик бәлгилири бурун байқалған сарс кесәлликиниң бәлгилиригә охшап кетиду. Бундақ вирус билән яллуғланған киши пүтүн бәдинидә биарамлиқ, мускуллири телип ағриш, нәписи сиқилишни сезиду. Бу хил кесәллик асан сақаймайду, еғир яллуғланған кишиләр тез өлүп кетиду.

Үрүмчи кесәллик әһвалини контрол қилиш мәркизи бундақ җиддий кесәллик вирусидин мудапиәлиниш үчүн, биналар яки торалғулардики мәркизи салқинлитиш сестимисини дезинфексийә қилишни тәләп қилған. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт