Ürümchide ottura asiya soda-iqtisadi boyiche yuqiri qatlam muhakime yighini ötküzüldi

8- Iyul küni ürümchi shehiride her qaysi ottura asiya döletlirining bir qisim yuqiri derijilik erbabliri hem tijaret sahesidiki erbablar birlikte 2007-yilliq ottura asiya soda-iqtisad muhakimisi ötküzdi.

Xitayning shinxu'a agéntliqining xewer qilishiche, mezkur muhakimige qirghizistanning bishkek shehirining mu'awin bashliqi, ürümchi shehirining bashliqi qatarliq bir qisim yuqiri derijilik shexsler ishtirak qilip, pikir almashturghan bolup, ottura asiyadin kelgen erbablar we soda -sana'etchiler Uyghur éli jümlidin xitayning éléktron mehsulatliri, yémek-ichmek, kiyim-kéchek, tibbiy üsküniler, mashinisazliq qatarliq her qaysi sahening mehsulatlirigha alahide qiziqidighanliqini bildürgen.

Mezkur muhakime yighinning sahibxanliqini zimmisige alghan ürümchi shehirining bashliqi neyim yasin bu muhakimige shuningdek ürümchining xitayning ottura asiyagha qaratqan iqtisadiy istratégiyisidiki ornigha yuqiri baha bérip," ürümchining ottura asiyagha yüzlen'gen zamaniwi xelqaralashqan soda shehiri bolush nishani muqimlashturuldi , buningdin kéyin ürümchi , ottura asiya we dölitimizning her qaysi sheherliridiki karxaniliri arisidiki almashturush hem hemkarlishish üchün téximu zor purset we meydan hazirlap béridu , shu arqiliq ottura asiya rayonining iqtisadiy jehettin ortaq güllinishi we tereqqiyatini ilgiri süridu" dep bildürgen. (Ümidwar)