Olimpik jeryanida ürümchide hemme ademning somkisi tekshürülmekte

Xitayning olimpik ötküzüsh bahanisida Uyghurlargha séliwatqan zulumliri xelq'ara jama'et we metbu'atlarda qattiq tenqid qiliniwatqan bir peytte, 31 ‏ - iyul küni Uyghur élide chiqidighan axbarat wastilirida merkez ürümchi shehiridiki barliq ammiwi sorunlarda kishilerning qol somkilirining tekshürülüdighanliqi xewer qilindi.
Muxbirimiz eqide xewiri
2008-07-31
Share

 Xewerdin ashkarilinishiche, yerlik hökümet merkizi xitay hökümitining olimpik bixeterlikini kücheytish yolyoruqini ijra qilip, ürümchi shehiridiki barliq ammiwi köngül échish sorunliri, bolupmu kinoxana, su üzüsh meydani, kaféxana, qawaqxana, torxana, shaxmatxana qatarliq orunlarda qattiq tekshürüsh élip bérishni yolgha qoyghan bolup, bu orunlargha kirgüchilerning somka we yanchuqliri toluq tekshürülidiken.

Bir qanche kün ilgiri Uyghur élide aptobusqa chiqqan yoluchilarning somkiliri bir - birlep axturulghanliqi ashkarilan'ghandin kéyin, yene Uyghurlarning 6 olimpik shehiridin bashqa xitay sheherlirigimu bérishiningmu cheklen'genliki, béyjing qatarliq asasliq olimpik sheherliridiki shirketlerde xizmet qiliwatqan Uyghurlarningmu bu sheherlerdin qoghlan'ghanliqi melum bolghan idi.

Uyghur élide yüz bériwatqan weqelerning axbarat wastiliri arqiliq dunyagha tarqilishi, xitayning Uyghurlargha qaratqan basturmichiliq siyasitining neqeder éghir derijide ikenlikini, amérika awam palatasining Uyghurlar heqqidiki qararining heqliq ikenlikini ispatlimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet