"Yershari waqit géziti" ürümchidiki toqunushta 2 adem öltürülgen, 15 adem qolgha élin'ghanliqini xewer qildi

Xitayda chiqidighan "yershari waqit géziti" (环球时报) de xewer qilinishche, xitayning Uyghur élide turushluq saqchiliri yanwarning axirida ürümchi shehiride sherqi türkistanchilar bilen toqunushqan bolup, toqunushta 2 ademni étip 15 ademni qolgha alghan.

Bir hökümet xadimining dunya waqit gézitige ashkarilishiche, bu qétimliq heriket eslide 27- yanwar kechte ürümchi shehiri "bexit a'ililer olturaq rayonida mexpiy we tiz sürette" élip bérilghan.

Mezkur hökümet xadimi toqunush heqqide toxtilip: " térrorchilar qolgha élishqa qarshiliq körsetkechke saqchi tereptinmu xadimlar yarilan'ghan bolsimu, adem ölmidi" dégen.

Gerche bu weqening ürümchidiki "bexit a'ililer olturaq rayoni" da yüz bergenliki rast bolsimu, emma bu weqening heqiqiy mahiyiti téxi nurghun kishilerge qarangghu bolup, xongkong we xitayda chiqidighan axbarat organlirimu bu weqe heqqide oxshimighan xewerlerni élan qildi.

Xongkongda chiqidighan "yultuz arili" (星岛) gézitide 14- féwral bérilgen xewerde, mezkur weqening 5- féwral yüz bergenlikini, saqchilarning 18 neper sherqi türkistanchini étip öltürgenlikini, nurghun ademni qolgha alghanliqini hemde xitay saqchi tereptinmu ikki ademning ölgenlikini xewer qilghan idi. (Jüme)