Türkiye ürümchi shehiride türkiye sana'et baghchisi qurushni pilan qildi

Türkiyining soda ishlirigha mes'ul dölet ministiri, kurshat tüzmen yéqinda ürümchide ötküzülgen muxbirlarni kütüwélish yighinida söz qilip, türkiyining Uyghur ili bilen bolghan iqtisadi hemkarliqining nahayiti netijilik bolghanliqini, téximu zor ghelibilerni qolgha keltürüsh üchün, türkiyining ürümchi shehiride " türkiye sana'et baghchisi " berpa qilishni qarar qilghanliqini jakarlidi.
Muxbirimiz eqide xewiri
2008.09.04
Share on WhatsApp
Share on WhatsApp

 Dölet ministiri kurshatning bildürüshiche, 2007 ‏ - yili bir yil ichide xitay bilen türkiyining import we ékisport soda qimmiti 18 milyard amérika dollirigha yetken. Kurshat tüzmen sözide yene, türkiye karxanilirining Uyghur élige téximu köplep meblegh sélishini ümid qilidighanliqini tekitlidi.

Türkiye yawropa bilen asiyani tutashturidighan jughrapiyilik ewzellikke ige bolup, üch teripi déngizgha tutishidighan alahidiliki bilen medeniyet we iqtisad köwrüki rolini oynimaqta.

Uyghurlar, medeniyet, örp - adet shuningdek til jehette özi bilen eng yéqin hésablan'ghan türkiye türkliri bilen bolghan qérindashliq, dostluq munasiwitige her da'im ehmiyet bérip kelgen bolup, nöwette türkiyide yashawatqan Uyghurlarning nopusi 10 mingdin ashidu.

Türkiye hökümiti Uyghurlarning türkiyide olturaqlishish, bilim ashurush ishlirigha alahide köngül bölüp kelgen, shunga türkiyide Uyghurlardin yétiship chiqqan aliy derijilik bilim ademliri xéli köp salmaqni igileydu.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.