Үрүмчидә 12 хитай ялланма ишчиси сақчилар тәрипидин еғир яриландурулди


2007-01-21
Share

Уйғур аптонум райони қанун ториниң хәвиридин мәлум болушичә, 1 - айниң 18 - күни үрүмчидики яхоң өй мүлүк чәклик ширкитиниң йигирмигә йеқин қоғдиғучи һәмдә хадимлири бирлишип бу ширкәттин иш һәққини тәләп қилип кәлгән әллик нәччә нәпәр хитай ялланма ишчилирини уруп арида 12 сини еғир яриландурған.

Хәвәрдә көрситилишичә бу ялланма ишчилар яхоң ширкитиниң икки айдин бери маашини бәрмигәнликигә нарази болуп ширкәткә бир қанчә қетим вәкил әвәткән, сөзини ақтуралмиғанлиқи үчүн ахири йиғилип ширкәткә әризгә барғанда, ширкәт бинасиниң қоғдиғучиларниң пичақ тоқмақлар билән қоғлап урушиға учриған.

Хәвәрдә вәқә шаһидлириниң сөзлирини нәқил кәлтүрүшичә, ялланма ишчилар билән ширкәт қоғдиғучилири арисида он минутчә такарлашқандин кейин, қоғдиғучи сақчиларниң башлиқи қол астидикиләргә "уларни қоғливетиңлар, өлгүчә уруңлар " дәп буйруқ бәргәндин кейин қоғдиғучи һәмдә ширкәт хадимлири болуп йигирмидин артуқ киши пичақ, таяқ тоқмақларни елип ялланма ишчиларға етилған.

Нөвәттә ялланма ишчиларни яриландурған җинайәтчиләр пүтүнләй қолға елинған болуп, қанун тармақлири яхоң ширкитиниң бу ишчиларниң маашидин башқа йәнә яриланғучи хитай ишчиларниң нәччә он миң йүән давалиниш чиқимини төлигән биләнму қануний җавабкарлиқтин қутулалмайдиғанлиқини илгири сүрмәктә икән. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт