Ürümchide 12 xitay yallanma ishchisi saqchilar teripidin éghir yarilanduruldi


2007-01-21
Share

Uyghur aptonum rayoni qanun torining xewiridin melum bolushiche, 1 - ayning 18 - küni ürümchidiki yaxong öy mülük cheklik shirkitining yigirmige yéqin qoghdighuchi hemde xadimliri birliship bu shirkettin ish heqqini telep qilip kelgen ellik nechche neper xitay yallanma ishchilirini urup arida 12 sini éghir yarilandurghan.

Xewerde körsitilishiche bu yallanma ishchilar yaxong shirkitining ikki aydin béri ma'ashini bermigenlikige narazi bolup shirketke bir qanche qétim wekil ewetken, sözini aqturalmighanliqi üchün axiri yighilip shirketke erizge barghanda, shirket binasining qoghdighuchilarning pichaq toqmaqlar bilen qoghlap urushigha uchrighan.

Xewerde weqe shahidlirining sözlirini neqil keltürüshiche, yallanma ishchilar bilen shirket qoghdighuchiliri arisida on minutche takarlashqandin kéyin, qoghdighuchi saqchilarning bashliqi qol astidikilerge "ularni qoghliwétinglar, ölgüche urunglar " dep buyruq bergendin kéyin qoghdighuchi hemde shirket xadimliri bolup yigirmidin artuq kishi pichaq, tayaq toqmaqlarni élip yallanma ishchilargha étilghan.

Nöwette yallanma ishchilarni yarilandurghan jinayetchiler pütünley qolgha élin'ghan bolup, qanun tarmaqliri yaxong shirkitining bu ishchilarning ma'ashidin bashqa yene yarilan'ghuchi xitay ishchilarning nechche on ming yü'en dawalinish chiqimini töligen bilenmu qanuniy jawabkarliqtin qutulalmaydighanliqini ilgiri sürmekte iken. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet