Wang léchu'en buningdin kéyin junggoda kamlighan kömür shinjangdin teminlinidu dep jakarlighan

Wang léchu'en yéqinda xitay hökümitining memliketlik énérgiye ishxanisi xadimlirigha Uyghur aptonom rayonining kömür bayliqlirini xitaygha téximu köp toshush heqqide wede bergen.

Shinjang xewer torida ashkarilinishiche, xitay hökümitining memliketlik énérgiye ishxanisi xadimliri wang léchu'en bilen söhbetleshkende, xitayda énérgiye menbesi yétishmeywatqanliqini, bolupmu kona kömür kanlarning menbesi tügep kétiwatqanliqini sözligende, xitay kommunist partiyisining shinjang partkom sékritari wang léchu'en ulargha 'shinjangning kömür menbesi intayin mol, kömür zapisi hemmila jayda bar, mehsulat türliri toluq, pütün memlikettiki kömür zapisining %40 ni teshkil qilidu. Peqet qatnash musapisi uzun bolghanliqtinla yaxshi bazar tapalmaywatidu. Buningdin kéyin junggoda kamlighan kömür ni shinjang teminleydu. Biz emdi kömür bayliqi intayin mol bolghan ili-jungghariye wadisida éléktir we gaz ishlepchiqiridighan kömür sana'et bazisi qurimiz,'dégen. (Weli)