Uyghur mesilisi b d t medeniyetler ittipaqi yighinida otturigha qoyuldi

B d t ning könliki astida qurulghan medeniyetler ittipaqi aldinqi küni b d t bash shtabida ötküzgen axbarat élan qilish yighinida, Uyghurlar duch kéliwatqan mewjut ri'alliqni eyibleydighanliqini bildürdi.

Medeniyetler ittipaqining qoshumche re'isi ispaniyilik fédiriko mayor, bir muxbirning medeniyetler ittipaqi xitay wekili pen gu'ang bilen sözleshkende Uyghurlar uchrawatqan mu'amile we gu'antanamodiki Uyghur tutqunlar mesiliside néme ishlarni qildi ? digen su'aligha jawab berdi. U, "xitayda istibdatliq mixanizimi dawamlashmaqta " deydu we medeniyetler ittipaqi " ular duch kéliwatqan mewjut ri'alliqni eyibleydu," dep kürsetti.

Ittipaqning yuqiri qatlimida xitay wekilining barliqini tekitligen fédiriko mayor, Uyghurlar mesiliside konkrét némilerni qilghanliqini tilgha almighan bolsimu, lékin u, ittipaqning doklat hazirlaydighanliqini we b d t bash katipi kofi annan'gha " diniy mesilidila emes, ipade erkinliki toghrisidimu teklip sunidighanliqini" bildürdi.

Medeniyetler ittipaqi 2005- yili b d t ning könliki astida ispaniye we türkiyining teshebbusi bilen qurulghan. Charshenbe künki axbarat élan qilish yighinigha ittipaqning ikki re'isi ispaniyilik fédiriko mayor bilen türkiye dölet ministiri memet aydinlar riyasetchilik qildi. (Erkin)