Уйғур бокисчилар америкида мусабиқигә қатнишиду

Хәвәрләргә қариғанда, уйғур илидики төт нәпәр бокис чолпини хитайға вакалитән, америка - хитай бокис мусабиқисигә қатнишиш үчүн бейҗиңдин америкиға йитип кәлгән.
Мухбиримиз өмәр қанат хәвири
2008-04-29
Share

Мәмәт турсун, қанат, абдурахман вә ниҗат қатарлиқ төт нәпәр бокис маһири 10 ‏ - вә 11 ‏ - май күнлири америкида өткүзүлидиған " йәкму - йәк бокис мусабиқиси" ға қатнашқандин кейин, май ейиниң оттурилири бейҗиңға қайтип келип, майниң ахири тәйвәндә өткүзүлидиған " тәйвән дуня бокис тәклип мусабиқиси" гә қатнишидикән.

Уйғур, қазақ қатарлиқ милләтләрниң тәнтәрбийә маһирлири, гәрчә толиму җапалиқ вә қейин шараит вә мәшиқләр арқилиқ, күчлүк риқабәт ичидә шан - шәрәп һәмдә нәтиҗиләрни қазинип келиватқан болсиму, әмма уларниң нәтиҗилириниң өз миллитигә тәвә болмайдиғанлиқини билдүргән дуня уйғур қурултийиниң баянатчиси дилшат ришит, хитайниң чоң милләтчилики түпәйли, дуня сәһнисидә чемпийонлуққа еришкән аз санлиқ милләт тәнтәрбийә маһирлири болсун вә яки сәнәткарлар болсун һәммисиниң хитай дәп тонуштурулидиғанлиқини оттуриға қойди.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт