Уйғур или бокс маһирлири чикагода зәпәр қучти


2007.11.02
Share on WhatsApp
Share on WhatsApp

Чикаго университитида өткүзүлүватқан 14- нөвәтлик дуня бокс ләвһә талишиш мусабиқисиниң төт күчлүкни таллаш нәтиҗиси1- ноябир елан қилинған болуп, мусабиқидә уйғур или маһири ниҗат һүсәнму мутләқ үстүнлүк билән дуня бойичә талланған 4 маһир ичидин орун алди.

Игилишимизчә, еғир дәриҗиликләр буйичә мусабиқилишиватқан уйғур маһир ниҗат һүсән бу йил 21 яш болуп, , вингирийә маһири җозсеф даниал дармосни мутләқ үстүн нәтиҗә11 : гә қарши 28 номур билән йеңип, төт күчлүкләр ичигә кирип уйғурлар үчүн шәрәп қучти вә 2008- йиллиқ бейҗиң олимпикигә қатнишиш салаһийитигә еришти.

Бу қетимқи мусабиқә, бейҗиң олимпик мусабиқиси бокс түриниң алдин таллаш мусабиқиси болуп, алдинқи күнидики мусабиқидә 69 килограмлиқлар буйичә мусабиқигә чүшкән уйғур или маһири қанат 6 гә қарши 26 номур билән әзәрбәйҗанлиқ рәқиби руслан қайирофни йеңип сәккиз күчлүк маһирниң бири болуп таллинип 2008- йиллиқ бейҗиң олимпикигә қатнишиш салаһийитигә еришкән иди.

Тәңритағ тори бәргән хәвәрдин ашкарилинишичә, бу нөвәт чикагода өткүзүлүватқан хәлқаралиқ бокс мусабиқисигә уйғур илидин, ниҗат һүсән, мәмәт турсун чоң вә қанат қатарлиқлар 14- нөвәтлик дуня бокс ләвһә талишиш мусабиқисигә қатнашқан болуп, әмма мәмәт турсун чоң өз түри бойичә 16 ниң ичигә кирәлигән.

Бу уйғур или бокс маһирлириниң иккинчи қетим хәлқаралиқ олимпик мусабиқисигә қатнишиши болуп, 2000 - йиллиқ сидний олимпик йиғиниға уйғур бокс чолпини абдурахманму асия чемпийони болуп қатнашқан иди. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.