Xitay hökümiti aqsugha muqimliq saqlash nazaret qilish ömiki ewetti


2007-10-03
Share

Dunya Uyghur qurultéyining bayanatchisi dilshat rishit igiligen uchurlargha qarighanda, xitay hökümiti 10 ‏- ayning 2 ‏- küni aqsugha 'inaq jem'iyet qurush, muqimliqni saqlash nazaret qilish ömiki' dep atilidighan 9 ömek ewetken.

Kommunist xitay hökümiti ewetken bu xizmet ömekliri aqsudiki bir sheher we 8 nahiyide herbir kucha, ahalilar rayoni, bina -turalghularghiche, her bir kent, mehelle, öyler we mekteplergiche bérip tekshürüsh élip baridiken. Hökümet ulardin xewer tapqan her qandaq uchurni yerlik partkom sékritarigha biwaste melum qilishni telep qilghan.

Dilshat rishit ependining qarishiche, bu xitay hökümitining kommunist partiyining 17 - qurultéyidin burun inaq jem'iyet qurush, muqimliqni saqlash dégenni bahane qilip, Uyghurlarni keng kölemde basturushqa bashlighanliqi bolup hésablinidu.

Radi'omiz igiligen uchurlargha qarighanda, kommunist xitay hökümiti béyjingdimu, siyasiy köz qarishi hökümet bilen oxshash bolmighan ziyaliylarni, hökümetke erz éytip kelgen dölet puqralirini tutush, nezerbend qilishni bashlighan. Xitaydin kélip chet'ellerde turuwatqan ziyaliylargha qaritamu, éléktronluq xet sanduqining mexpiy nomurini oghrilap ularning normal xet-alaqe qilishigha kashila qiliwatidu. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet