Хитай даирилири аз санлиқ милләтләр әдәбиятиниң раваҗлинишиға тосқунлуқ қилмақта


2007.09.13

Хитай ахбарат вастилири йеқинда үрүмчидә җуңгу язғучилар җәмийитиниң хитай болмиған милләтләр әдәбий иҗадийәт сөһбәт йиғини чақирип, хитайниң 12өлкисидин кәлгән язғучилар вә уйғур аптоном район язғучилар җәмийитиниң мәсул хадимлири билән бирликтә , аз санлиқ милләт әдәбиятини раваҗландуруш һәққидә пикирләшкәнликини елан қилди.

Хәвәрдә бу қетим өткүзүлгән сөһбәт йиғининиң мәзмуни һәққидә ениқ мәлумат берилмигән болуп, чәтәлләрдә яшаватқан уйғур сиясий әрбаблири, нөвәттә хитай һөкүмитиниң дағдуғилиқ шуарлар билән һәшәмәтлик йиғинларни ечип , йәп ‏- ичип ялған тәшвиқат қилидиғанлиқини , әмәлийәттә болса уйғур әдәбий иҗадийәт саһәсигә қаратқан һуҗумини күчәйтиватқанлиқини билдүрмәктә.

Чәтәлләрдә яшаватқан уйғур язғучи вә тарихчлири, илгири хитай һөкүмити мәрһум тарихшунас, шаир турғун алмас әпәндиниң " уйғурлар" " һунларниң қисқичә тарихи" вә " уйғур килассик әдәбияти" қатарлиқ үч китабини йиғивелип, тарқитишни чәклигәнликини тәкитләп, хитайниң буниңға охшаш риаллиқ әкс әттүрүлгән, уйғур тарихиға аит әдәбий әсәр яки тарихий әсәрләрни чәкләш һәрикәтлирини изчил давамлаштуруватқанлиқини, гәрчә һөкүмәт шәкилдә аз санлиқ милләтләр әдәбиятини раваҗландуруш вә униңға көңүл бөлүш тоғрисида җар селип кәлгән болсиму , әмма уйғурларниң әркинлики, сиясий һоқуқи вә тарихий келип чиқишиға аит әсәрләрниң нәшр қилинишини қаттиқ контрол қилип, уйғурларни мәтбуат вә сөз әркинликидин мәһрум қалдурғанлиқини көрсәтти. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.