Уйғур райониниң екиспорт - импорт соммиси хитай буйичә алдинқи орунда

Шинҗаң хәвәр ториниң 20 ‏ - июн хәвәр қилишичә, уйғур райониниң бу йил алдинқи 5 айлиқ екиспорт - импорт омуми соммиси 696 милйон долларға йәткән. Буниң билән уйғур райони ташқи сода соммисида хитай буйичә биринчилик орнини давамлаштурған.
Мухбиримиз шөһрәт һошур хәвири
2008-06-24
Share

 Хәвәрдә көрситилишичә, районниң бу бәш айлиқ ташқи содисида актип баланис 544 милйон доллар болған. Йәни екиспорт соммиси 620 милйон доллар, импорт соммиси 76 милйон доллар болған. Хәвәрдә билдүрүлүшичә, уйғур райониниң бу бәш айлиқ ташқи содисида, қазақистан биринчи, қирғизистан иккинчи вә русийә үчинчи чоң базар болған.

Хәвәрдә, уйғур райониниң ташқи содидики үстунлүкиниң сәвәби үстидә тохтилип, дөләтниң уйғур районида 17 биринчи дәриҗилик, 22 иккинчи дәриҗилик чегра еғизи бәрпа қилғанлиқини баян қилинған.

Уйғур паалийәтчилириниң қаришичә, уйғур райониниң ташқи сода әвзәллики тәбиий бир үстүнлук. Униң 8 дөләт билән чегридаш болуши ташқи содидики үстүнлүкиниң асаси. Йәнә уйғур паалийәтчилириниң қаришичә, уйғурларниң өз байлиқи вә өз чегра еғизлирини өзлири идарә қилалмаслиқи, қошниси болған 8 дөләт билән ташқи сода һоқуқиниң өз илкидә болмаслиқи, бүгүн уйғур җәмийитидики бәхитсизликләрниң ғоллуқ сәвәблиридин биридур.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт