Uyghur rayonining ékisport - import sommisi xitay buyiche aldinqi orunda

Shinjang xewer torining 20 ‏ - iyun xewer qilishiche, Uyghur rayonining bu yil aldinqi 5 ayliq ékisport - import omumi sommisi 696 milyon dollargha yetken. Buning bilen Uyghur rayoni tashqi soda sommisida xitay buyiche birinchilik ornini dawamlashturghan.
Muxbirimiz shöhret hoshur xewiri
2008-06-24
Share

 Xewerde körsitilishiche, rayonning bu besh ayliq tashqi sodisida aktip balanis 544 milyon dollar bolghan. Yeni ékisport sommisi 620 milyon dollar, import sommisi 76 milyon dollar bolghan. Xewerde bildürülüshiche, Uyghur rayonining bu besh ayliq tashqi sodisida, qazaqistan birinchi, qirghizistan ikkinchi we rusiye üchinchi chong bazar bolghan.

Xewerde, Uyghur rayonining tashqi sodidiki üstunlükining sewebi üstide toxtilip, döletning Uyghur rayonida 17 birinchi derijilik, 22 ikkinchi derijilik chégra éghizi berpa qilghanliqini bayan qilin'ghan.

Uyghur pa'aliyetchilirining qarishiche, Uyghur rayonining tashqi soda ewzelliki tebi'iy bir üstünluk. Uning 8 dölet bilen chégridash bolushi tashqi sodidiki üstünlükining asasi. Yene Uyghur pa'aliyetchilirining qarishiche, Uyghurlarning öz bayliqi we öz chégra éghizlirini özliri idare qilalmasliqi, qoshnisi bolghan 8 dölet bilen tashqi soda hoquqining öz ilkide bolmasliqi, bügün Uyghur jem'iyitidiki bexitsizliklerning gholluq sewebliridin biridur.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet