Хитай диний етиқадни "инақ җәмийәт" үчүн хизмәт қилдурмақчи


2008-03-03
Share

3- Март дүшәнбә күни бейҗиңда өткүзүлгән мухбирларни күтүвелиш йиғинида, хитай мәмликәтлик сиясий кеңәшниң рәиси,компартийә сиясий бюросиниң даимий әзаси җия чиңлин динни инақ җәмийәт үчүн хизмәт қилдуруш керәк икәнликини оттуриға қойди.

Җия чиңлин мухбирларни күтүвелиш йиғинида: " биз диний етиқад әркинлики сияситигә толуқ капаләтлик қилип, диний ишларға алақидар бәлгилимиләрдин пайдилинип диний затлар вә динға етиқад қилғучиларни йетәкләш арқилиқ буларни инақ җәмийәт бәрпа қилиш үчүн иҗабий рол ойнитишимиз керәк" деди.

1949- Йили хитай коммунистлири һакимийәт бешиға чиққандин кийин, атеизмни тәрғиб қилип, динға ишинишни қаттиқ чәкләп кәлгән болсиму, әмма ройтерста көрситилишичә, йеқинқи йиллардин буян хитайда буддизм, тәриқәтчилик, христиан динлириға ишәнгүчиләр муәййән дәриҗидә көпәйгән болуп, бу хил әһвал хитай һөкүмитини " инақ җәмийәт" бәрпа қилишта үзлүксиз көпийиватқан бу диндарлар гуруппилириғиму тайинишқа мәҗбурлиған.

Әмма хитай рәһбәрлири диний етиқадтин " инақ җәмийәт " бәрпа қилиш үчүн пайдилиниш керәкликини оттуриға қоюватқан пәйтләрдә, уйғур илидики мусулманларға қаратқан қаттиқ бастуруш сияситини техиму күчәйтмәктә.

Бу һәқтә америка диний әркинлик комитети, хәлқара кишилик һоқуқ комитети вә хәлқара кәчүрүм тәшкилати қатарлиқ органлар һәмдә ғәрб дөләтлириниң мунасивәтлик тармақлири баянат елан қилип яки испат бериш йиғинлирини уюштуруп, хитай һөкүмитиниң уйғур мусулманлириға қаратқан бастуруш сиясәтлирини тохтитиши вә олимпик йиғини үчүн бәргән вәдисигә әмәл қилиши үчүн бесим ишләтмәктә.(Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт