Xitayda her ayda üch ming adem eydiz yuqumdarigha aylanmaqta
2007.11.06
Merkizi axbarat agéntliqining 5 - noyabir xitay yuqumluq késelliklerning aldini élish merkizining mu'awin bashliqi wang ningning éytqanlirini neqil élip körsitishige qarighanda, nöwette xitayning eydiz weziyiti barghanche jiddiylishiwatqan bolup eydiz wirusi yuqturuwalidighanlar her ayda texminen üch mingdin köpiyiwatqan iken.
Xitayning munasiwetlik tarmaqlirining bu yil 6 - aydiki tekshürüshidin melum bolushiche, xitayda %74 nahiyining hemmiside eydiz yuqumdarliri bayqalghan bolup, her qaysi ölkilerdiki tarqilish ehwalida éghir - yénikliki buyiche aldinqi besh qatargha kirgen ölkiler yünnen birinchi orunda, uningdin kéyin xénen we gu'angshi ölkiliri bolup, Uyghur éli tötinchi orunda turidiken, beshinchisi gu'angdung ölkisi iken.
Wang ningning bildürüshiche, statistikiliq sanlardin xitayda eydiz yuqumdarlirining barghanche köpiyiwatqanliqi melum bolup, eydizning hemjinislar hemde eydiz bilen yuqumlinish éhtimalliqi yuqiri dep qaralghan kishilerdin bashqa, normal ademler arisida tarqilishimu barghanche kéngeymekte iken.
Uyghur éli xitay buyiche eydiz eng téz tarqiliwatqan jaygha aylandi, melum bolushiche, 1995- yilidin buyan hazirgha kelgüche Uyghur ili eydiz yuqum ehwalida izchil örlesh körülgen, yuqumlan'ghanlarning sani 60 mingdin éship ketken hemde 14 oblast, wilayet we sheherdiki 90 nahiyigiche taralghan.
Shinxu'a agéntliqida körsitilishiche, Uyghur élide künige 17 kishi yéngidin eydiz bilen yuqumlanmaqta. (Gülchéhre)
Munasiwetlik maqalilar
- Bu yil Uyghur élide yene töt minggha yéqin adem eydiz bilen yuqumlandi
- Uyghur élide" eydiz " sarasimi
- Xata di'agnoz bir Uyghur bowaqqa qatil boldi
- Kelpindiki ikki yéza bashlan'ghuch mektipide oqughuchilargha qulaq aldi bézi yallughi taraldi
- Ürümchide jiddiy öpke yallughini keltürüp chiqiridighan légonilla wirusi bayqalghan
- Ürümchi eydiz késilining tarqilishi jehette Uyghur ili boyiche aldinqi sheher bolup qaldi
- Uyghur ili kelgüsi 5 yilda eydiz wirusi tarqilidighan merkezlik rayon bolup qalamdu ?
- Uyghur élide yuqumluq késellik köpeymekte
Köp körülgen xewerler
RFA
- Erkin asiya radiyosi Uyghur bölümi: xitayning Uyghurlar üstidiki shepqetsiz hökümranliqining zulmetlirini yérip ötküchi nur
- Gérmaniyening eng chong ximiye sana'iti shirkiti qattiq eyibleshlerdin kéyin Uyghur rayonidin ayrilghanliqini élan qildi
- Uyghur kishilik hoquq qurulushi xelq'araliq méhmanxana zenjirlirining Uyghur rayonida kéngiyiwatqanliqini eyiblep doklat élan qildi
- En'gliye hökümiti Uyghur qulluq emgiki sewebidin xitayda ishlen'gen küntaxtilarni chekleydighanliqini élan qildi
- Shinjang hökümiti yéqinda tembur chalghan Uyghur qizning widiyosini tartqan xitay sen'etkarni jazalighan