Лопнур районида 70 милйон тоннилиқ кали записи байқалди


2008-03-03
Share

Хәвәрләргә қариғанда, хитай 9 йилдин буян изчил давамлаштуруп келиватқан йәрасти байлиқ мәнбәлирини қидирип тәкшүрүш җәрянида йәнә 800 хил минерал маддилар записини байқиған болуп, буларниң ичидики әң зор көләмлик минерал байлиқи уйғур елидә байқалған.

Стилгруу хәвәрләр торида көрситилишичә, бу җәрянда хитай 60 орунда чоң вә оттура көләмдики мәндән канлирини байқиған болуп, буларниң ичидә уйғур елиниң лопнур районидин йеңидин байқалған 70 милйон тоннилиқ кали записи әң зор көләмдики минерал маддилар записи болуп, шуниң билән уйғур или хитайниң кали ишләпчиқириш санаитидики һәл қилғуч базиға айлинип қалған.

Мәлум болушичә, һазир хитайда 350 милйон тонна әтрапида кали записи байқалған болуп, уйғур елидә байқалған кали записи пүтүн хитай миқясида байқалған кали записини 5 дән бир қисмиға баравәр келиду.

Бу нөвәт байқалған байлиқлар ичидә тибәттин 10 милйон тонна мис записи байқалған болуп, бу тибәтни хитайдики әң чоң мис кани бәлвеғиға айландурған.

Чәтәлләрдики уйғур, тибәт паалийәтчилири хитай һөкүмитиниң бу райондики йәр асти ‏- йәр үсти байлиқлирини талан ‏- тараҗ қилиш билән биргә, муһитни булғаватқанлиқини һәмдә йәрлик аһалигә қилчиму мәнпәәт йәткүзмигәнликини шикайәт қилмақта. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт