Уйғур елида бир милйондин артуқ мейип бар

Хитай һөкүмити уйғур аптоном райониниң нопусиниң 20 милйондин артуқ икәнликини елан қилған болса, йеқинда мәзкур нопусниң ичидә бир милйондин артуқ адәмниң мейип икәнликини ашкарилиди.
Мухбиримиз үмидвар хәвири
2008.04.20

 Шинҗаң хәвәр ториниң тарқатқан учуридин мәлум болушичә, аптоном район даирилири мейипларға ярдәм бериш пиланлирини түзүп, бир қатар чариларни қолланған болсиму, лекин бу мейипларниң һәммисиниң саламәтлик истрахванийиси, хизмәткә орунлаштуруш вә тәрбийиләш һәмдә иқтисадий ярдәм соммилириға игә болуш мүмкинчиликлиригә еришәлмигәнлики билдүрүлмәктә. Уларниң бу параванлиқлардин бәһримән болуши йәнила төвән болмақта.

 Исмини ашкарилашни халимайдиған бир нопус тәтқиқатчисиниң ейтишичә, мундақ 20 милйон адәм ичидә бир милйонниң мейип болуши толиму қорқунчлуқ әһвал болуп, әлвәттә, йеза - қишлақ районлириға җайлашқан уйғур мейипларниң әһвали техиму еғир, уларниң давалиниш, турмуш ярдәм пуллири вә башқа параванлиқлардин йетәрлик дәриҗидә бәһримән болуши һәққидә сөз ечиш техиму қийин.
Мунасивәтлик хәвәрләр
Уйғур хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.