Uyghur élida bir milyondin artuq méyip bar

Xitay hökümiti Uyghur aptonom rayonining nopusining 20 milyondin artuq ikenlikini élan qilghan bolsa, yéqinda mezkur nopusning ichide bir milyondin artuq ademning méyip ikenlikini ashkarilidi.
Muxbirimiz ümidwar xewiri
2008.04.20

 Shinjang xewer torining tarqatqan uchuridin melum bolushiche, aptonom rayon da'iriliri méyiplargha yardem bérish pilanlirini tüzüp, bir qatar charilarni qollan'ghan bolsimu, lékin bu méyiplarning hemmisining salametlik istraxwaniyisi, xizmetke orunlashturush we terbiyilesh hemde iqtisadiy yardem sommilirigha ige bolush mümkinchiliklirige érishelmigenliki bildürülmekte. Ularning bu parawanliqlardin behrimen bolushi yenila töwen bolmaqta.

 Ismini ashkarilashni xalimaydighan bir nopus tetqiqatchisining éytishiche, mundaq 20 milyon adem ichide bir milyonning méyip bolushi tolimu qorqunchluq ehwal bolup, elwette, yéza - qishlaq rayonlirigha jaylashqan Uyghur méyiplarning ehwali téximu éghir, ularning dawalinish, turmush yardem pulliri we bashqa parawanliqlardin yéterlik derijide behrimen bolushi heqqide söz échish téximu qiyin.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.