Gollandiye muxbirliri Uyghur élide saqchilarning parakendichilikige uchridi


2007-11-27
Share

Gollandiye CPRO radi'osining 25 - noyabir xewer bérishiche, mezkür axbarat ornining béyjing olimpik muxbirlar etritidiki bir qanche muxbir ürümchide ziyaret qilish jeryanida xitay saqchilirining tosqunluqi hemde parakendichilikige uchrighan.

Xewerde körsitilishiche,xitayning chet'el muxbirlirigha qarita erkin ziyaret qilish hoquqi bérilgenliki heqqidiki xewerdin kéyin, gollandiyidin xitayni ziyaret qilishqa barghan bu muxbirlar, xitaydiki bir qeder ötkür hem nazuk mesililer heqqidimu axbarat igilesh qizghinliqi türtkiside Uyghur élige barghan.

Esli ular Uyghur éli weziyitige da'ir uchurlarni igileshtin bashqa,uda uch qétim nobil tinchliq mukapati namzati bolghan rabiye qadir xanim a'ilisining ehwalliri heqqidimu melumatlar igileshni pilanlighan bolup, emma ular Uyghur élidiki ziyaret pa'aliyitini bashlimay turupla xitay saqchilirining qattiq pozitsiyisi hemde tosqunluqigha uchrighan, arida bir muxbirning pasporti tartiwélinip bir munche awarigerchiliktin kéyin qayturup bérilgen.

Bu muxbirlar epsuslan'ghan halda gollandiyige qaytip kelgendin kéyin, xewer élan qilip, xitay hökümitining olimpik jeryanida muxbirlargha erkinlik bérish wedisining yalghanliqini pash qilghan hemde Uyghur élidiki ziyaritimizning qopalliq bilen tosqunluqqa uchrishining özila Uyghur éli hem bu jaydiki xelqning intayin nachar weziyette yashawatqanliqining janliq ispati dep bayan qilghan. Xitay hökümiti gerche bu yilning béshida chet'el muxbirlirining xitay ichide erkin ziyaret qilishigha yol qoyidighanliqi heqqide wede bergen bolsimu, kishilik hoquq teshkilatlirining doklatlirigha qarighanda, Uyghur éli hemde tibet we xitay ichidiki asasliq nazuk mesililerning yenila chet'el muxbirliri teripidin ziyaret qilinishi cheklenmekte.

Xitaydiki chet'el muxbirlar kulubining ashkarilishiche, ötken 15 hepte ichide jemiy 18 neper chet'el muxbiri xitayda tehdit hem tosqunluqqa uchrighan. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet