Ulughchat nahiyiside hizbul - tehrirge qarshi 100 künlük teshwiqat élip bérilmaqta

Uyghur élining yerlik tor betliridin melum bolushiche, xitay da'iriliri yéqinqi mezgildin buyan qizilsu oblastining ulughchat nahiyiside " hizbul - tehrirge qarshi " keng kölemlik teshwiqat terbiyisini bashlighan.
Muxbirimiz gülchéhre
2008-09-16
Share

Xewerge qarighanda, bu nahiyilik partiye‏ - hökümet da'irilirining üch xil küchlerge qarshi siyasiy teshwiq terbiye pa'aliyitining nuqtiliq türining biri bolup, ulughchat nahiyisining her bir yéza ‏ - kentlirigiche, hizbul - tehrirni  pash qilish, uningdin agah bolush hemme birlikte hizbul - tehrirdin  ibaret bid'et teshkilatqa qarshi turush teshwiqati élip bérilmaqta iken.

Nahiyilik partkom bu xil teshwiqiy terbiyini kent radi'olirida künde anglitish, heptide anglitish qétim sani üch qétimdin az bolmasliqqa kapaletlik qilish, hizbul - tehrirning  qanunsiz öktichi teshkilat ikenlikini, teshwiqat pa'aliyetlirini kücheytip her bir organ hem kent yézilarda 100künlük muqimliqni kücheytish siyasiy öginish, notuq sözlesh pa'aliyetlirini orunlashturush oqturushi chüshürgen.

Ulughchat nahiyisi da'iriliri bu yüz künlük teshwiqiy terbiye arqiliq her bir kadir hem déhqan ammining kallisida hizbul - tehrirning  bid'et eksiyetchil teshkilat ikenlikini aydinglashturush, hizbul - tehrirchilerge héchqandaq yochuq qoymasliqqa kapaletlik qilishni meqset qilmaqta iken.

Uyghur élige da'ir xewerlerdin melum bolushiche, Uyghur élining her qaysi jaylirida ramizan kirishi bilen xitay da'iriliri qanunsiz diniy pa'aliyetlerge qarshi turush namida,Uyghurlarning diniy étiqad erkinlikige tosqunluq qilidighan heriketlerni kücheytmekte. 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet