Uyghur élide qizil késilining tarqilish nisbiti örlimekte


2008.02.04

Xitay axbaratlirida körsitilishiche, Uyghur aptonom rayonluq sehiye nazariti 2007- yili 12- ayda Uyghur ilidiki a we b tipliq yuqumluq késellikler ehwalini ashkarilighan bolup, melum bolushiche, 12- ayda Uyghur élide körülgen qizil késili 1149 neper, bu késelde ölgen adem ikki neper bolup, bu san 11- aydikige sélishturghanda 1.66 Hesse örligen.

Tengritagh torida xewer qilinishiche, 2007- yili 12- ayghiche pütün Uyghur élide tizimgha élin'ghan qizil késilining omumi sani 13 ming 334 neperge, ölgen adem 20 neperge yetken.

2007- Yili 12- ayda yuqum ehwalida örlesh bolghan késellikler, qizil kök yötel we ménin'git bolup, shu yili 11- aydikige qarighanda ayrim-ayrim halda 1.66, 2.17 We 2.85 Hesse bolghan.

Uningdin bashqa yuqum ehwali aldinqi 3- orunda turidighan késelliklerdin yene, tarqilishchan badamsiman bez yallughi, yuqumluq ich ötkü qatarliqlar bar.

Xewerde aptonom rayonluq sehiye nazaritidiki munaswetlik xadimlarning éytqanliridin neqil keltürüp körsitishiche, hazir Uyghur élide yuqumluq nepes yolliri késellikliri tarqilidighan pesil bolup, bu xil késellikler ghulja shehiri, tékes, künes nahiyiliride qizil we kök yötelning yuqum ehwali bir qeder yuqiri iken.

Melum bolushiche, qizil we bashqa nepes yoli yuqumluq késellikining ünümlük dorisi téxiche bayqalmighan bolup, waksina emlesh ularning aldini élishtiki eng ünümlük chare iken. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.