Xitay Uyghur élide néfit élishni köpeytmekte


2007-12-17
Share

Xitay Uyghur éli néfit we tebi'iy gazlirini échish we pishshiqlap ishlesh qedimini yene kücheytken bolup, melum bolushiche, bu yil Uyghur élide ishlep chiqirilghan omumi néfit we tebi'iy gaz miqdari bulturqidin körünerlik ashqan.

Tengritagh torida xitayning Uyghur élidiki hökümitining re'isi isma'il tiliwaldining éytqanliridin neqil élip körsitishiche, 2007- yili Uyghur élide ishlepchiqirilghan omumiy néfit miqdari 26 milyon 100 ming tonna bolup, aldin yildikidin 5.5 Pirsent, tebi'iy gaz 21 milyard kub métir bolup, aldin yildikidin 9.27 Pirsent ashqan.

Xewerde körsitilishiche, Uyghur éli néfit bashqurush idarisi yéqinqi birnechche yillardin buyan xitay hökümitining Uyghur éli néfit zapaslirini qézish ishlirigha meblegh sélishni kücheytkenliki hemde "gherbning gazini sherqqe yötkesh" ishliridiki muqimliqqa mas halda Uyghur élide néfit ishlep chiqirish miqdarining hessilep ashqanliqi we tebi'iy gaz ishlep chiqirishning "shiddet bilen" ashqanliqini bildürgen.

Xewerde ashkarilinishiche, 2007- yili Uyghur élide néfit we ximiye sa'iti orundighan omumi ishlep chiqirish qimmiti 200 milyard 450 milyon yüendin éship ketken.

Peqet Uyghur éli néfit sahesi yaratqan payda heqqide söz achqan dunya Uyghur qurultiyi bayanatchisi dilshat rishit, bu bayliqlardin yerlik ahalining azraqmu menpe'etke érishish uyaqta tursun, hetta Uyghur nahiyiliride quruluwatqan néfit zawutlirigha yerlik Uyghurlarning ishchiliqqimu kirelmeydighanliqini tekitlidi

U mundaq dédi: "xitaylar Uyghur élide néfit we tebi'iy gazi ishlepchiqirish qedimini her yili tézletmekte we pishshiqlap ishlesh zawutliri keng kölemde kéngeytmekte. Emma yerlik Uyghurlar néfit sana'itidin paydigha érishish uyaqta tursun hetta öz mehellisige quruluwatqan zawutlirining ishikigimu yéqin kélelmeydu"

U yene Uyghur élide xizmet pursitining shunche kengri bolushigha qarimay xitayning yéqindin buyan Uyghur qizlirini atalmish "déhqanlarning kirimni ashurush üchün, Uyghur yashlirini ichkiri ölkilerge apirip ishqa orunlashturush" siyasitini yürgüzüp Uyghur qizlirini xitay ölkilirige élip kétiwatqanliqining anglighanliki kishini ejeblendüridighanliqini qoshumche qildi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet