Ürümchide hökümet üstidin shikayet qilghan erzdarlar basturulmaqta


2007-11-13
Share

Boshun torining 13 - noyabir xewer élan qilishiche, xitay kompartiyisi 17 - nöwetlik qurultiyining aldi ‏- keynide, Uyghur aptonom rayonluq partkom we hökümet erziyet ishxanisigha shikayet qilip barghuchi amma köp bolghanda nechche minggha yetken bolup, erzdarlarning köpiyishige egiship hökümetning ularni basturush herikitimu kücheygen.

Xewerge qarighanda 12 - noyabir küni shinjang qatnash transiport shirkitidin dem élishqa chiqqan ishchilar shirket memuriy binasi aldida keng kölemlik naraziliq herikiti élip barghan bolup, da'iriler yétip kélip namayishchilarni shirket qorusida qorshiwalghan.

Shinjang Uyghur aptonom rayonluq partkom qorusi aldighimu yéqinqi bir qanche kün uda erzdarlar yighilghan bolup, hetta bezide erz qilghuchilar bir qanche minggha yetken emma qoralliq qoghdighuchilar,yighilghan ammigha heywe qilip ularning munasiwetlik orunlargha derdini anglitishigha yol qoymighan. Shundaqla da'iriler shikayetchi amma arisigha köp sanda puqrache kiyin'gen saqchilarni kirgüzüp ammini tarqashqa qistighan, bezi idare ‏- organlar mexsus aptomobillarni ewetip erzdarlarni qayturup ketken. Xewerde eskertishiche , gerche hökümet da'iriliri bu qétim shikayetchi ammini tarqitishta bir az yumshaq wasitiler qollan'ghan bolsimu , ilgiri dawamliq qattiq qolluq bilen basturup kelgen iken.

Bu yil etiyazda hökümetke shikayet qilip kelgen ammini qolgha élish weqeliri bir qanche qétim yüz bergen.

Xewerde erzdarlarning éytqanliridin neqil élip körsitishiche, Uyghur aptonom rayonluq partkom hem hökümetke erz qilip barghuchilar asasen dawamliq baha ösüsh, waqtida ma'ash alalmasliq, hökümet hemde idare organlarning qalaymiqan séliqlirigha uchrashqa oxshash mesililerge narazi bolghan amma hemde öyi mejburiy chéqiwétilgen, yéri tartiwélin'ghan déhqan ammisi shundaqla dawamliq éghirlawatqan türlük qanun hem ijtima'iy siyasiy heqsizliklerge naraziliq bildürgüchi xelq ammisi bolup beziliri erzni aqturush üchün hetta merkizi béyjingghiche nechche yillap erz qilip yürgen we shu seweblik intayin namratlashqan awam xelq iken. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet