Bu yil Uyghur élide yene töt minggha yéqin adem eydiz bilen yuqumlandi

Uyghur élide tunji eydiz bimari1995- yili bayqalghandin buyan, hazirgha kelgüche eydizdin yuqumlinish ehwalida jiddiy örlesh körülgen bolup, Uyghur ili eydiz wirusi bilen yuqumlinish kölimi jehette xitay buyiche 4- orunda turidiken.

"Shinjang astane géziti " de xitay döletlik eydiz yuqum ehwali statistika ehwalidin neqil élip körsitishiche, hazir Uyghur élide eydiz wirusi bilen yuqumlan'ghanlarning sani 60 mingdin éship kétidighan bolup, yuqumlan'ghuchilar asasen ili oblasti, ürümchi shehiri, aqsu we qeshqer wilayetliri qatarliq 14 oblast, wilayet we sheherdiki 90 nahiyige jaylashqan.

Melum bolushiche, 1995- yilidin buyan hazirgha kelgüche Uyghur ili eydiz yuqum ehwalida izchil örlesh körülgen bolup, shinxu'a agéntliqida körsitilishiche, 2005 - yili 9- aydin 2006- yili 9 ‏- ayghiche Uyghur élide yéngidin eydiz wirusi bilen yuqumlan'ghan kishi sani 6000 gha yétip yuqum ehwali künige 17 kishidin toghra kelgen.

Emma bu yilliq örlesh ehwali ötken yiligha qarighanda melum derijide töwenligen bolsimu, shinjang astane gézitide ashkarilinishiche, bu yil 9- ayghiche Uyghur élide yéngidin eydiz wirusi bilen yuqumlan'ghanlarning sani 3681 ademge yétidiken. (Jüme)