Сәйбин веллит: гуәнтанамодики бигунаһ адәм


2006.09.29

Гуәнтанамодики уйғур тутқунларни ақлиғучи, америкиниң бостон шәһиридики бинхам микачен қанун мулазимәт ширкитиниң адвокати сәйбин веллит, алдинқи күни америка "бостон глоб" гезитидә гуәнтанамодики уйғур тутқунларниң бири абдунасир һәққидә мақалә елан қилип, уни "гуәнтанамодики бигунаһ адәм" дәп атиди.

Сәйбин веллит, буш һөкүмитини абдунасирға охшаш талибан, әл - қаидә билән алақиси болмиған, уруш мәйданиға берип бақмиған бигунаһ кишиләрни гуәнтанамода тутуп туруш билән әйиблигән.

Сәйбин веллит, америка дөләт мәҗлиси тутқунларниң әрз қилиш һоқуқини чәкләйдиған қанун чиқармақчи болуватқанлиқини тәнқидлиди. Сәйбин веллит, бу қанунда халид шәйх муһәммәткә охшаш 11 - синтәбир вәқәсиниң қатиллирини адил сотлаш илгири сүрүлгән болсиму, лекин абдунасирға охшаш кишиләрниң дилосини сот мәһкимисидә көрүп чиқиш чәклимигә учриған, дәп көрсәтти. У, "бу кишиләр мәңгү сотланмаслиқи шундақла мәңгү әйибләнмәслики мумкин "дәйду.

Сәйбин веллит тәнқидлигән бу қанун лайиһиси пәйшәнбә күни америка кеңәш палатасида мақулланди. Президент буш имза қойса, рәсмий қанунға айлиниду. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.