Seybin wéllit: gu'entanamodiki bigunah adem


2006.09.29

Gu'entanamodiki Uyghur tutqunlarni aqlighuchi, amérikining boston shehiridiki binxam mikachén qanun mulazimet shirkitining adwokati seybin wéllit, aldinqi küni amérika "boston glob" gézitide gu'entanamodiki Uyghur tutqunlarning biri abdunasir heqqide maqale élan qilip, uni "gu'entanamodiki bigunah adem" dep atidi.

Seybin wéllit, bush hökümitini abdunasirgha oxshash taliban, el - qa'ide bilen alaqisi bolmighan, urush meydanigha bérip baqmighan bigunah kishilerni gu'entanamoda tutup turush bilen eyibligen.

Seybin wéllit, amérika dölet mejlisi tutqunlarning erz qilish hoquqini chekleydighan qanun chiqarmaqchi boluwatqanliqini tenqidlidi. Seybin wéllit, bu qanunda xalid sheyx muhemmetke oxshash 11 - sintebir weqesining qatillirini adil sotlash ilgiri sürülgen bolsimu, lékin abdunasirgha oxshash kishilerning dilosini sot mehkimiside körüp chiqish cheklimige uchrighan, dep körsetti. U, "bu kishiler menggü sotlanmasliqi shundaqla menggü eyiblenmesliki mumkin "deydu.

Seybin wéllit tenqidligen bu qanun layihisi peyshenbe küni amérika kéngesh palatasida maqullandi. Prézidént bush imza qoysa, resmiy qanun'gha aylinidu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.