Uyghur élidiki puqrawi karxanilargha 30 minggha yéqin xadim orunlashturulidiken


2007-05-24
Share

Uyghurlardiki ishsizliq mesilisi éghir derijide mewjüt boluwatqan bir peytte, aptonom rayon hökümiti 2007 ‏- yilliq puqrawi karxanilargha xadim teklip qilish heptilikining mushu ayning 25 ‏- künidin 31 ‏- künigiche élip bérilidighanliqini élan qildi.

Xitay axbarat wastilirining bu heqte bergen xewerliridin ashkarilinishiche, puqrawi karxanilargha xadim teklip qilishta néfit, néfit ‏- ximiye , öy ‏- zémin, dora yasash, soda saray tijariti qatarliq kesiplerni öz ichige alghan Uyghur élidiki 1 ming 691 puqrawiy karxana, 132 ish türi buyiche 28 ming 911 xadim teklip qilidiken.

Emma , xewerde Uyghur élide yuqirida tilgha ilin'ghan saheler buyiche, ishqa orunlashturulidighanlarning Uyghur yaki xitay ikenliki toghrisida éniq uqum bérilmigen bolup, kimlikini ashkarilashni xalimighan bir Uyghur, nöwette Uyghur élide xizmetke orunlashturulidighanlar üchün xitay bolush, xitay bolmighan teqdirde xitay tilini pishshiq bilidighan bolush eng muhim shertlerning biri hisaplinidighanliqini bildürdi.

Xitay da'iriliri yene, Uyghur élidiki éshinchi emgek küchlirini xitay ölkiliridiki zawut - karxanilargha orunlashturup, xitaydin Uyghur élige adem yötkep kélip ishqa orunlashturidiken.

Chet'ellerde pa'aliyet élip bériwatqan Uyghur teshkilatliri, xitayning emgek küchlirini öz ‏- ara almashturup orunlashturishidiki meqsidi, Uyghurlarni assmilatsiye qilish qedimini tézlitishtin ibaret déyishmekte.(Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet