Уйғур аптоном райониниң рәиси исмаил тиливалди җүмә күни рәислик вәзиписидин туюқсиз истипа бәрди. Шинхуа ахбарат агентлиқиниң әскәртишичә, уйғур аптоном райони 10 - нөвәтлик хәлқ қурултийиниң 13 - йиғини исмаил тиливалдиниң истипанамисини қобул қилип, униң орниға аптоном район парткоминиң муавин секритари нур бәкрини мувәққәт рәисликкә тәйинлигән. Лекин хәвәрләрдә исмаил тиливалдиниң немә сәвәбтин истипа бәргәнликини тилға алмиди.
Нур бәкриниң исмаил тиливалдиниң орниға дәссәйдиғанлиқи узундин бери кишиләрниң пәризидики мәсилә болсиму, лекин көзәткүчиләр исмаил тиливалдиниң вәзипә муддитини тоштурмай турупла бундақ тез истипа беришини ойлап бақмиған. Бәзи көзәткүчиләр кейинки мәзгилләрдә исмаил тиливалдиниң ваң лечүән билән пийизи пишмай қалғанлиқини билдүрмәктә. У, мәдәнийәт инқилабидин кейин уйғур аптоном районида рәислик вәзиписи өтәп 1 - қарар вәзипә муддитини тошқузмай турупла вәзиписидин истипа бәргән тунҗи йәрлик кадир.
Исмаил тиливалдиниң вәзиписини тапшурувалған нур бәкри 1961 - йили бөрталада туғулған болуп, 1983 - йили шинҗаң университетиниң сиясий пәнләр пакултетини пүттүргән иди. У һазирқи орунға өскәнгә қәдәр қәшқәр вилайитиниң муавин валиси, үрүмчи шәһириниң шәһәр башлиқи, сияси қанун комитетиниң муавин секритари қатарлиқ вәзипиләрдә олтурған. Нур бәкри уйғур аптоном райони парткоминиң сияси - идеологийә хизмитигә мәсул секритари иди.
Көзәткүчиләрниң әскәртишичә, у уйғур кадирлар ичидики миллий маарипни хитайчилаштуруш, мәктәпләрдә диний ибадәт паалийитини чәкләш вә аталмиш "миллий бөлгүнчиликкә" қарши туруш һәрикитидә әң әсәбий кадирларниң биридур. (Әркин)
Мунасивәтлик мақалилар
- Ваң лечүән сабиқ қорчақ әмәлдарларни йоқлиди
- Исмаил тиливалди "үч хил күчләргә зәрбә бериш" тики мәйданини ашкарилиди
- Ваң лечүән, сиясий бюрониң әзалиқиға йәнә сайланди
- Ваң лечүән : шинҗаңда җәмийәт муқим, әл инақ, тәрәққият истиқбали парлақ
- Дуня уйғур қурултийи исмаил тиливалдиниң пиланлиқ туғут һәққидики сөзлиригә наразилиқ билдүрди
- Исмайил телевалди, нур бәкриләр хитай пәнләр академийиси билән мәслиһәт елиш келишими имзалиған
- Дуня уйғур қурултийи исмаил тиливалдиниң баянлириға рәддийә бәрди
- Исмаил тиливалди"3 хил күчкә зәрбә бериш " сияситини йәнә бир қетим оттуриға қойди
- Исмаил тиливалди йеңи йил нутиқида уйғурларға тәһдит салди
- Бихәтәр дөләткә кетимән дәп маракәштә тутулуп қалған идрис һәсәнниң тәқдири хәвп астида қалған
- Чолпанлар устази қеюм муһәммәдниң 3 йилдин бери тутқунда икәнлики дәлилләнди
- Гума наһийә базар ичи сақчихана хадими: "қурбан һейт мунасивити билән илгири тақиветилгән 20 мәсчиттин төти ечиветилди"
- Ақсу айкөл сақчи хадими: һейт намизиға қанунсиз қатнашқан 170 нәччә киши сорақта
- Мисирда тутқунға учриған уйғурлар һәққидә тунҗи доклат елан қилинди
