Uyghur élida namrat yéza - kentlerdiki mekteplerge oqutquchi qobul qilinidu

Xitay axbarat wastiliri, Uyghur aptonom rayonluq ma'arip nazaritining yéqinda Uyghur éli tewesidin 1000 gha yéqin kishini oqutquchiliqqa qobul qilidighanliqini élan qildi.

Xewerdin melum bolushiche, Uyghur élida oqutquchiliqqa qobul qilinidighan namzatlar, aldi bilen choqum yazma imtihan'gha qatnishidiken we imtihan'gha qatnashquchilarning choqum nuqtiliq aliy mekteplerni püttürgen bolushi shert qilinidiken.

Imtihan we her xil tallash shertlirige uyghun kelgenler, Uyghur élining 20 nahiyisidiki yéza we kent mektepliride oqutquchiliq wezipisini ötep, 3 yildin kéyin, nahiye we sheherlerdiki ottura bashlan'ghuch mekteplerge yötkilidiken.

Aptonom rayonning mes'ulliri buningdin kéyin namrat rayonlardiki mekteplerge oqutquchi qobul qilishni keng yolgha qoyup, chet yéza rayonliridiki xitay bolmighan milletlerning ma'arip tereqqiyatini ilgiri süridighanliqini bildürgen.

Biraq dunya Uyghur qurultiyining bayanatchisi dilshat réshit, oqutquchiliqqa qobul qilin'ghuchilarning xitay hökümiti jar sélip kéliwatqan " qosh tilliq " ma'arip sewiyisige uyghun kélish sherti boyiche tallinidighanliqini, bundaq shara'itta xitay til sewiyisining aldinqi shert qilinip, xitay ölkiliride oqughan az sandiki Uyghur oqughuchilar yaki xitaylarning tallinidighanliqini bildürmekte. Uyghur élidiki aliy mekteplerni püttürgen oqughuchilar uzundin béri, xitay tili sewiyisining töwenlikidin ishqa qobul qilinmay kelmekte. ( Eqide)