Uyghur ilidiki 13 orun b d t qedimiy medeniyet yadikarliqliri tizimlikige kirgüzüldi

Birleshken döletler teshkilatigha sunulidighan "yipek yoli" qedimiy medeniyet yadikarliqliri tizimlikige Uyghur ilidiki besh qedimiy sheherge jaylashqan 13 orun kirgüzülgen.

Tengritagh torida körsitishiche, "yipek yoli" dunya medeniyet yadikarliqlirini iltimas qilish xizmiti, qazaqistan, özbékistan, qirghizistan, tajikistan we xitay qatarliq besh dölette birlikte élip bérilghan bolup, bularning ichide uyghun élidin tallan'ghan rayonlar, turpan wilayitige jaylashqan yarghol qedimiy qel'esi, idiqut shehiri xarabisi, bézeklik ming'öy, astane qedimiy qebristanliqi, tuyuq tash ghari, qedimiy qebre izliri, korla tewesidiki kroran qedimiy sheher xarabisi, aqsu tewesidiki su béshi sangram xarabisi, qizil ming'öy, qumtura ming'öy, sim-sim ming'öy, qeshqer opaldiki mehmud qeshqiri meqberisi we xoten'ge jaylashqan niye qedimi sheher xarabisi qatarliqlar bar.

Hazir amérikida yashawatqan bir Uyghur arxé'ologning bildürüshiche, birleshken döletler teshkilati xéli yillardin béri Uyghur élidiki medeniy yadikarliq orunlirini qoghdash qurulushigha iqtisadi we maddiy yardemlerni bérip kéliwatqan bolup, peqet 1996- yildila turpandiki idiqut qedimiy shehirini qoghdash xizmitige bir milyon amérika dolliri yardem qilghan bolsimu, bu meblegh del jayida ishlitilmey, mezkur jaylarda xizmet qiliwatqan xadimlarning ishxanisini bézesh ishlirigha ishlitilgen iken.

Uning bildürüshiche yene , xitaylar Uyghur élidiki medeniy yadikarliq orunlirini asrash qurulushigha peqet küch serp qilmighan bolup, bu nöwetlik iltimasmu peqet xitaylar yene b d t din pul élishini meqset qilghan bolushi mumkin iken. (Jüme)