Amérika kéngesh palata ezasi shrod brawn, amérika tashqi ishlar ministirini Uyghur mesilisige arilishishqa chaqirdi

Amérika dölet mejlisi, kéngesh palatasi ezasi shrod brawn, charshenbe küni amérika tashqi ishlar minstiri kandiliza raysqa bir xet ewetip, uningdin Uyghurlar mesilisige arilishishni telep qilghan.

Shirod brwan xétide, xitay hökümitining rabiye qadir xanimning ikki oghli shuningdek Uyghur xelqining erkinliki we kishilik hoquqi üchün küresh qilghan minglighan Uyghur siyasiy mehbuslirini türmilerde tutup turuwatqanliqini tekitlep "rabiye qadir xanimning perzentlirining, uning kishilik hoquq üchün élip bériwatqan pa'aliyetliridin intiqam élish üchün türmige tashlan'ghanliqini, ötken yil iyul éyida prézidént bushmu qobul qilghan" dep eskertken.

Xétide, tibettiki weqeler, olimpik tenheriket yighinining échilishigha besh aydin az bir waqit qalghan mezgildimu xitay hökümitining basturush siyasitini dawamlashturuwatqanliqini körsitidu dep tekitligen shrod brwan "men sizdin, Uyghurlar mesilisige jiddiy köngül bölüp, xitay hökümitining Uyghurlargha qaratqan xorlash siyasitini toxtitishi shuningdek rabiye qadir xanimning perzentliri we Uyghur siyasiy mehbuslarni qoyup bérishi üchün, tirishchanliq körsitishngizni soraymen" dégen.

Amérika tashqi ishlar minstiri kandiliza raysqa yazghan xétide, Uyghurlarning xitay hökümiti dégendek diniy esebiylik we térrorluq heriketliri bilen munasiwiti yoqluqini tekitligen shrod brawn, "xitay hökümitining Uyghurlargha qaratqan siyasiti, Uyghurlarning medeniyitini, milliy kimlikini shuningdek ularning wetinini yoqitishni meqset qilghan meqsetlik bir siyaset" dep körsetken. (Ömer qanat)