Dawut rawab wapat boldi
2007.11.18
Uyghur hazirqi zaman milliy muzika sahesidiki dangliq shexslerdin biri, bir ömür Uyghur wazi rawab bilen xelq naxsha- muzikilirini orundap, rawab chélishtiki mahirliqi bilen xelq teripidin " dawut rawab" dégen namgha sazawer bolghan dawut awut ependi 11-ayning 17-küni chüshte ürümchi shehiride késel bilen wapat boldi hemde 18-noyabir küni merhumning namizi ürümchidiki noghay meschiti dep atalghan meschitde chüshürülgendin kéyin depne qilin'ghan.
Rawab chélish mahariti kamaletke yétip, xelq ichide, bolupmu sazendiler arisida zor shöhret we hörmetke sazawer bolghan hemde rawab shahi we rawab chélish ustisi dep teriplen'gen dawut ependi pütün hayatini Uyghur milliy sen'itige béghishlighan bolup, uning qolida köpligen shagirtlar yétiship chiqqandin sirt u " tashway", "méning rawabim" qatarliq nechche onlighan xelq muzikilirini weten ichi-sirtida kamaletke yetküzüp, orundap anglighuchilargha untulmas tesiratlarni qaldurghan idi.
Uyghur medeniyet erbabliri merhum dawut awutning Uyghur xelqining milliy muzika sen'et tarixida uningdin ilgiri wapat bolghan turdaxun, ghiyasiddin barat, iskender seypulla, nurmuhemmed tursun qatarliq nechche onlighan namayendiler bilen bir qatarda orun tutidighanliqini bildürüshmekte. (Ümidwar)
Munasiwetlik maqalilar
- Kaliforniyide Uyghur medeniyiti kéchiliki ötküzüldi
- Londondiki Uyghur ansambili irlandiyide oyun qoydi
- Uyghur musulmanliri, mubarek roza héytinglar qutluq bolghay !
- Merhum küresh küsen ependi wapatining bir yilliqi xatirilendi
- "Shinjang naxshiliri" zoq emes "oq" peyda qildi (2)
- " Shinjang naxshiliri" Uyghurlarda zoq emes "oq" peyda qildi (1)
- Dunya Uyghur qelemkeshliri birlikining re'isi nyuyorkta ötküzülgen" dunya awazliri " féstiwaligha qatnashti
- Uyghur 12 muqami we dolan muqami parizhda
- Mekit xelq artistliri dolan xelq naxshilirini en'gliyide orunlimaqchi